ବି-ଟାଉନରେ ଡ୍ରଗ୍ସ ଲିଙ୍କ: ଡ୍ରଗ୍ସ ନେଇ ହୋଇଥିବା ଚାଟ୍ କଥା ମାନିଲେ ମସ୍ତାନୀ ଗାର୍ଲ

ମୁମ୍ବାଇ: ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ଡ୍ରଗ୍ସ ଲିଙ୍କୁ ନେଇ ବି-ଟାଉନରେ ଚଡ଼କ ପଡ଼ିଛି । ଏହି ଲିଙ୍କରେ ଆସିଛି ବି-ଟାଉନର ବଡ଼ ବଡ଼ ଅଭିନେତ୍ରୀ ଏବଂ ଅଭିନେତାଙ୍କ ନାମ । ୫୦ ଜଣଙ୍କର ଜାତକ ରହିଛି ଏନ୍‌ସିବି ପାଖରେ । ଯାହାକୁ ନେଇ ଜଣଙ୍କ ପରେ ଜଣଙ୍କୁ ପଠାଉଛି ହାଜିରା ପାଇଁ ସମନ । ତେବେ ଦୀପିକାଙ୍କୁ ସମନ ପରେ ଦୀପିକା ପାଦୁକୋନଙ୍କୁ ପଚରାଉଚରା କରାଯାଉଛି । ଆଜି ସକାଳେ ଦୀପିକାଙ୍କୁ ଏନସିବି କାର୍ଯ୍ୟାଳୟକୁ ଡକାଯାଇଥିଲା । ତାଙ୍କ ମ୍ୟାନେଜର କରିସ୍ମା ପ୍ରକାଶଙ୍କ ସହ ତାଙ୍କର ଡ୍ରଗ୍ ଚାଟ୍ ମିଳିବା ପରେ ତାଙ୍କୁ ଜେରା ପାଇଁ ନେଟିସ କରାଯାଇଥିଲା ।

ଦୀପିକା ଏବଂ କରିସ୍ମାଙ୍କୁ ମୁହାଁମୁହିଁ ପ୍ରଶ୍ନ କରାଯାଉଛି । ଏନସିବି ଅଧିକାରୀମାନେ ଉଭୟଙ୍କ ଆଗରେ ଅନେକ ମାରାତ୍ମକ ପ୍ରଶ୍ନ ରଖିଛନ୍ତି । କୁହାଯାଉଛି ଯେ ଦୀପିକା କିଛି ପ୍ରଶ୍ନର ସନ୍ତୋଷଜନକ ଉତ୍ତର ଏନ୍‌ସିବିକୁ ଦେଇନାହାଁନ୍ତି । ତେବେ ଡ୍ରଗ୍ସକୁ ନେଇ କିଛି ପ୍ରଶ୍ନର ଉପରେ ଦୀପିକା ପାଦୁକୋନ ନୀରବ ରହିଛନ୍ତି । ତେବେ ଏନ୍‌ସିବି ପାଖରେ ଥିବା ପ୍ରମାଣ ସହ ଦୀପିକାଙ୍କୁ ଜେରା ପରେ ସେ ଶେଷରେ ତାଙ୍କର ଡ୍ରଗ୍ସ ଲିଙ୍କରେ ହାତ ଥିବା ମାନିଛନ୍ତି । ଦୀପିକା ସ୍ୱୀକାର କରିଛନ୍ତି ଯେ ସେ ପ୍ରକାଶ ହୋଇଥିବା ଡ୍ରଗ୍ସ ଚାଟ୍ ହେଉଛି ତାଙ୍କର । ଏମିତିକି ତାଙ୍କ ସର୍କଲ ଭିତରେ ଚାଟ ସାହାର୍ଯ୍ୟରେ ଡୁବ୍ ଅର୍ଥାତ୍ ସିଗାରେଟ୍ ପ୍ୟାକେଟ୍  ମଗାଯାଉଥିବା ସେ କହିଛନ୍ତି । ଆଉ ଏମତି ଅନେକ ପ୍ରଶ୍ନର ଉତ୍ତର ନଦେଇ ଚୁପ୍ ରହିବାକୁ ପସନ୍ଦ କରିଛନ୍ତି ଦୀପିକା ।