ସୁଶାନ୍ତଙ୍କ ମୃତ୍ୟୁ ନେଇ ରିୟାଙ୍କୁ ଜେରା କରିବ ସିବିଆଇ, କରିପାରେ ଏମିତି କିଛି ପ୍ରଶ୍ନ
ନୂଆଦିଲ୍ଲୀ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ସିବିଆଇ ଆକ୍ସନ୍ ମୋଡରେ ରହିଛି । ବିଭିନ୍ନ ଦିଗକୁ ନେଇ ତଦନ୍ତ କରୁଛି ସିବିଆଇ । ସୁଶାନ୍ତଙ୍କ ମୃତ୍ୟୁ ବେଳେ ତାଙ୍କ ବାନ୍ଦ୍ରା ଫ୍ଲାଟରେ ଉପସ୍ଥିତ ଥିବା ସୁଶାନ୍ତଙ୍କ ବନ୍ଧୁ ସିଦ୍ଧାର୍ଥ ପିଠାନିଙ୍କୁ ପଚରାଉଚରା କରିଛି ସିବିଆଇ । ଗତ ୩ ଦିନ ଧରି ସିବିଆଇ ସୁଶାନ୍ତଙ୍କ ବନ୍ଧୁ ସିଦ୍ଧାର୍ଥ ପିଠାନି, ତାଙ୍କ ଷ୍ଟାଫ୍ ନିରଜ, ଦୀପେଶଙ୍କୁ ପଚରାଉଚରା କରିଛି । ଗୋଟିଏ ପରେ ଗୋଟି ପ୍ରଶ୍ନର ସଠିକ ଉତ୍ତର ଜାଣିବାକୁ ଚେଷ୍ଟା କରିଥିଲା । ତେବେ ପିଠାନିଙ୍କ ପରେ ଏବେ ସିବିଆଇର ନଜର ଆଢ଼ୁଆଳରେ ରିୟା ରହିଛନ୍ତି । ସିବିଆଇ ରିୟାଙ୍କୁ ଯେକୌଣସି ସମୟରେ ପଚରାଉଚରା ପାଇଁ ଡାକିପାରେ ।
କୁହାଯାଉଛି ଯେ ସିବିଆଇ ଆଜି ରିୟାଙ୍କୁ ପଚରାଉଚରା ପାଇଁ ଡାକିପାରେ । ଏହି ପରିପ୍ରେକ୍ଷୀରେ ରିୟାଙ୍କୁ ସିବିଆଇର ତୀକ୍ଷ୍ଣ ପ୍ରଶ୍ନର ସମ୍ମୁଖୀନ ହେବାକୁ ପଡ଼ିବ । ଏହାପୂର୍ବରୁ ରିୟା ଦୁଇଥର ପଚରାଉଚରା ପାଇଁ ଇଡି କାର୍ଯ୍ୟାଳୟକୁ ଯାଇଥିଲେ । କିନ୍ତୁ ଏଥର ଜେରା କରିବ ସିବିଆଇ । ଏବଂ ସିବିଆଇର ଜେରା ସମ୍ପୁର୍ଣ୍ଣ ଅଲଗା ରହିଥାଏ । ରିୟାଙ୍କୁ ପଚରାଉଚରା ବେଳେ ସିବିଆଇ ଏମିତି କିଛି ପ୍ରଶ୍ନ କରିପାରେ । ଜୁନ୍ ରେ ହଠାତ୍ କ’ଣ ହେଲା ଯେ ତୁମେ ଘରୁ ଚାଲିଗଲ ?, ଯଦି ସୁଶାନ୍ତଙ୍କ ଏତେ ଭଲ ପାଉିଥିଲ ତେବେ ସୁଶାନ୍ତଙ୍କ ନମ୍ବରକୁ କାହିଁକି ବ୍ଲକ୍ କଲ ?, ସୁଶାନ୍ତଙ୍କୁ କେଉଁ ରୋଗ ହୋଇଥିଲା ? କେଉଁ ଡାକ୍ତର ସୁଶାନ୍ତଙ୍କ ଚିକିତ୍ସା କରୁଥିଲେ ? ଏବଂ ସୁଶାନ୍ତଙ୍କ ବ୍ୟାଙ୍କ ଆକାଉଣ୍ଟ ସହ ଯଡ଼ିତ କିଛି ପ୍ରଶ୍ନ ମଧ୍ୟ କରିପାରେ ସିବିଆଇ ।
