ସୁଶାନ୍ତ ସିଂ ରାଜପୂତ ହେଲେ ମୋଷ୍ଟ ଡିଜାୟରେବଲ ମ୍ୟାନ୍ ଅଫ୍ ୨୦୨୦, ଦେଖନ୍ତୁ ପୂରା ତାଲିକା
ମୁମ୍ବାଇ: ପ୍ରତିବର୍ଷ ଦ ଟାଇମ୍ସ ୫୦ ଡିଜାୟରେବଲ ମ୍ୟାନଙ୍କ ତାଲିକା ଜାରି କରେ । ଏହି ତାଲିକାରେ ସାମିଲ ଥାନ୍ତି ଭିନ୍ନ ଭିନ୍ନ କ୍ଷେତ୍ରର ୪୦ ବର୍ଷରୁ କମ୍ବୟସ୍କ । ୨୦୨୦ ତାଲିକାରେ ଟପରେ ଦିବଙ୍ଗତ ଅଭିନେତା ସୁଶାନ୍ତ ସିଂ ରାଜପୂତ ସ୍ଥାନ ନେଇ ସାରିଛନ୍ତି । ଏହି ର୍ୟାଙ୍କିଂ ଅନଲାଇନ ଭୋଟ୍ସ ଏବଂ ଆଭ୍ୟନ୍ତରୀଣ ଜୁରିଙ୍କ ନିର୍ଣ୍ଣୟ ଉପରେ ଆଧାରିତ ।
ଗତବର୍ଷ ୧୪ ଜୁନରେ ସୁଶାନ୍ତ ସବୁଦିନ ପାଇଁ ଆଖି ବୁଜିଲେ । ଜଣେ ଅଭିନେତା ସହିତ ଏକ ଫିଲୋସଫର ମଧ୍ୟ ଥିଲେ । ସୁଶାନ୍ତଙ୍କର ଏଷ୍ଟ୍ରନମି ଏବଂ ଏଷ୍ଟ୍ରଫିଜିକ୍ସର ଖୁବ୍ଆଗ୍ରହ ଥିଲା । ବିଜ୍ଞାନରେ ରୁଚି ଥିବାରୁ ସେ ଆମେରିକାରେ ନାସା ଏବଂ ୟୁରୋପିଆନ ନ୍ୟୁକ୍ଲିୟର ରିସର୍ଚ ସର୍ନ ମଧ୍ୟ ପରିଦର୍ଶନ କରି ସାରିଥିଲେ ।
ଦ ଟାଇମ୍ସ ମୋଷ୍ଟ ଡିଜାୟରେବଲ ୨୦୨୦ ତାଲିକାରେ ଟପ୍୧୦ରେ ସୁଶାନ୍ତଙ୍କ ପରେ ଅଛନ୍ତି ବିଜୟ ଦେବରକୋଣ୍ଡା, ଆଦିତ୍ୟ ରୟ କପୂର,ଭିକ୍କି କୌଶଲ,ଦୁଲକର ସଲମାନ,ବିରାଟ କୋହଲି,ଟାଇଗର ସ୍ରଫ୍,ରଣବୀର ସିଂ,ଗୁରଫତେହ ସିଂ ପରିଜାଦା ଏବଂ ସିଦ୍ଧାର୍ଥ ମଲହୋତ୍ରାଙ୍କ ନାମ ସାମିଲ ରହିଛି । ଅନ୍ୟ ନାଁ ମଧ୍ୟରେ ସିଦ୍ଧାର୍ଥ ଶୁକ୍ଳା,କାର୍ତ୍ତିକ ଆର୍ୟନ ଏବଂ ରଣବୀର କପୂର ଭଳି ସେଲିବ୍ରିଟିଙ୍କ ନାମ ସାମିଲ ରହିଛି ।
ଟପ୍୫୦ର ଏହି ତାଲିକା ବ୍ୟତୀତ ଫରଏଭର ଡିଜାୟରେବଲ ମ୍ୟାନଙ୍କର ଆଉ ଏକ ତାଲିକା ପ୍ରସ୍ତୁତ କରାଯାଇଛି । ଏଥିରେ ସଲମାନ ଖାନ୍, ଶାହରୁଖ ଖାନ୍, ଅକ୍ଷୟ କୁମାର, ଆମିର ଖାନ୍, ରିତିକ୍ରୋଶନ ଏବଂ ମହେଶ ବାବୁଙ୍କ ନାଁ ସାମିଲ ରହିଛି । ଏହି ତାଲିକା ଶନିବାର ଜାରି କରାଯାଇଛି ।
