Sushant Singh Rajput Case: ଡିପ୍ରେସନରେ ଥାଇ ମଧ୍ୟ ଔଷଧ ଛାଡ଼ି ଦେଇଥିଲେ ସୁଶାନ୍ତ, ଡାକ୍ତରଙ୍କ ଦାବି

ମୁମ୍ବାଇ: ସୁଶାନ୍ତଙ୍କ ମୃତ୍ୟୁ ପରେ ସେ ଡିପ୍ରେସନରେ ଥାଇ ଆତ୍ମହତ୍ୟା କରିଥିବା ଖବର  ଚର୍ଚ୍ଚାର ବିଷୟ ସାଜିଥିଲା । ଏବେ ଏହି କଥାର ଖୁଲାସା କରିଛନ୍ତି ସୁଶାନ୍ତଙ୍କ ଡାକ୍ତର । ନିକଟରେ ଗଣମାଧ୍ୟମକୁ ଦେଇଥିବା ସାକ୍ଷାତକାରରେ ରିୟା ସୁଶାନ୍ତଙ୍କ ସାଇକିଆଟ୍ରିଷ୍ଟ କେସରୀ ଛାବଡ଼ାଙ୍କ ବିଷୟରେ କହିଛନ୍ତି ।

ଖବର ଅନୁସାରେ ମୁମ୍ବାଇ ପୋଲିସ କେସରୀ ଛାବଡ଼ାଙ୍କୁ ପଚରା ଉଚରା କରିଥିଲା । ସୁଶାନ୍ତ ଡିପ୍ରେସନର ଶୀକାର ହୋଇଥିଲେ ବୋଲି କେସରୀ କହିଥିଲେ । ତାଙ୍କ କହିବା ଅନୁଯାୟୀ ସୁଶାନ୍ତ ଔଷଧ ନେବା ଛାଡ଼ି ଦେଇଥିଲେ ଏବଂ ଜୁନ ମାସ ଆରମ୍ଭରୁ ତାଙ୍କୁ ପ୍ୟାନିକ ଆଟାକ ଆସିଥିଲା । ସେ ଭୟଙ୍କର ଡିପ୍ରେସନ ସହିତ ଲଢୁଥିଲେ । ଏହା ସହିତ ଗଣମାଧ୍ୟମକୁ ମିଳିଥିବା ରିପୋର୍ଟ ଅନୁସାରେ  ଶ୍ରୁତି ମୋଦି ୨୫ ନଭେମ୍ବରକୁ ଡାକ୍ତରଙ୍କୁ ଫୋନ କରିଥିଲେ ଏବଂ ସୁଶାନ୍ତଙ୍କ ସହିତ ଓ୍ୱାଟରଷ୍ଟୋନ କ୍ଲବରେ ସାକ୍ଷାତ କରିବାକୁ କହିଥିଲେ । ଏହାପରେ ୨୭ ନଭେମ୍ବରକୁ ସୁଶାନ୍ତଙ୍କୁ ହିନ୍ଦୁଜାରେ ଆଡମିଟ କରାଯାଇଥିଲା । କୌଣସି ଶାରୀରିକ ସମସ୍ୟା ନଥିବା କଥା ନିଜେ ସୁଶାନ୍ତ କହିଥିଲେ ବୋଲି ରିପୋର୍ଟରେ ଉଲ୍ଲେଖ ଅଛି । ଏହା ସହିତ ସୁଶାନ୍ତଙ୍କୁ କେବେ ମଧ୍ୟ ଆତ୍ମହତ୍ୟା କରିବା ଚିନ୍ତାଧାରା ଆସୁ ନଥିଲା । କିନ୍ତୁ ସେ ସ୍ମୋକ ରିବାକୁ ପଚାରିଥିଲେ, କିନ୍ତୁ ଡାକ୍ତର ମନା କରି ଦେଇଥିଲେ ବୋଲି ମଧ୍ୟ ରିପୋର୍ଟରେ ଦର୍ଶାଯାଇଛି ।

କେସରୀଙ୍କ କହିବା ଅନୁସାରେ ରିୟାଙ୍କ ମାଧ୍ୟମରେ ଏକାଧିକ ସମୟ ତାଙ୍କୁ ଯୋଗାଯୋଗ କରାଯାଇଥିଲା । କିନ୍ତୁ ୧ ଡିସେମ୍ବରକୁ ରିୟା କଲ କରି ସୁଶାନ୍ତ ପୁଣି ସ୍ମୋକିଂ ଆରମ୍ଭ କରିଥିବା କଥା ଜଣାଇଥିଲେ । ସୁଶାନ୍ତ ତାଙ୍କ ମା’ଙ୍କ ଯିବାପରେ ନିଜକୁ ଖୁବ ଏକୁଟିଆ ଅନୁଭବ କରୁଥିଲେ ଏବଂ ତାଙ୍କୁ ମନେ ପକାଉଥିଲେ । ସେହି ସମୟରେ ତାଙ୍କୁ cutiepin , phunil  ଔଷଧ ଖାଇବାକୁ କୁହାଯାଇଥିଲା । ୩୦ ଡିସେମ୍ବରକୁ ସୁଶାନ୍ତ ନିଜକୁ ସୁସ୍ଥ ଅନୁଭବ କରୁନଥିଲେ । ଯେଉଁ କାରଣରୁ ତାଙ୍କ ଔଷଧ ବଦଳା ଯାଇଥିଲା । ଯାହାପରେ ଫେବୃୟାରୀରେ ସାମାନ୍ୟ ସୁସ୍ଥ ଅନୁଭବ କରୁଥିଲେ । ତାଙ୍କ କହିବା ଅନୁସାରେ ସେହି ସମୟରେ ସୁଶାନ୍ତ ଔଷଧ ଛାଡ଼ି ଦେଇଥିଲେ । ଏହାପରେ ମାର୍ଚ୍ଚକୁ ସୁଶାନ୍ତଙ୍କ ଶରୀର ପୁଣି ଅସୁସ୍ଥ ହୋଇ ପଡ଼ିଲା । ୬ ମାର୍ଚ୍ଚକୁ ତାଙ୍କୁ ପୁଣି ଫୋନ ଗଲା କି ସୁଶାନ୍ତ ଡିପ୍ରେସନକୁ ଚାଲି ଯାଇଛନ୍ତି । କାହିଁକି ଔଷଧ ଖାଉ ନାହାଁନ୍ତି ପଚାରିବାରୁ ହସିବାକୁ ଲାଗିଲେ । ତେବେ ରିପୋର୍ଟରେ ଉଲ୍ଲେଖ ଅଛି କି ଯଦି ସେ ଔଷଧ ଛାଡ଼ି ଦେଇଥିଲେ, ତେବେ କୌଣସି ଗମ୍ଭୀର ପଦକ୍ଷେପ ନେଇଥାଇ ପାରନ୍ତି ।

ଖବର ଅନୁସାରେ ମୁମ୍ବାଇ ପୋଲିସ ତଦନ୍ତ ସମୟରେ କେସରୀ ଛାବଡ଼ାଙ୍କ ବ୍ୟତୀତ ଦାଦାନଚି,ହରିଶ ସେଟ୍ଟୀ,ନିକିତା ଶାହ ଏବହ ସୁସାନ ଓ୍ୱାକରଙ୍କୁ ମଧ୍ୟ ପଚରାଉଚରା କରିଥିଲେ । ସୁଶାନ୍ତ ଡିପ୍ରେସନରେ ଥିବା କଥା ଏହି ସମସ୍ତ ସାଇକିଆଟ୍ରିଷ୍ଟମାନେ ମଧ୍ୟ କହିଥିଲେ ।