ପାଗ ଖରାପ ସତ୍ତ୍ବେ ବେଳାଭୂମିରେ ପ୍ରବଳ ଭିଡ, ବଳ ଦେଖାଉଛନ୍ତି ବାୟୁବୀର

ପୁରୀ: ବେଳାଭୂମିରେ ବଳ ଦେଖାଉଛନ୍ତି ବାୟୁବୀର । ପୁରୀ ବ୍ଲୁଫ୍ଲାଗ ବେଳାଭୂମିରେ ଆୟୋଜିତ ହେଉଛି ଏୟାର ଶୋ’। ସକାଳ ୧୦ଟାରେ ଆକାଶରେ ପରାକ୍ରମ ଦେଖାଉଛନ୍ତି ୯ଟି ମାର୍କ-୧୩୨ ଫାଇଟର ଏୟାର କ୍ରାଫ୍ଟ । ଏୟାର ଶୋ ଦେଖିବା ପାଇଁ ବେଳାଭୂମିରେ ପହଞ୍ଚିଛନ୍ତି ରାଜ୍ୟପାଳ ଗଣେଶୀ ଲାଲ । ଭଳିକି ଭଳି ସମରକଳା ଦେଖାଉଛନ୍ତି ବାୟୁସେନା ସୂର୍ଯ୍ୟକିରଣ ଟିମର ସଦସ୍ୟ ।

ତେବେ ଲଘୁଚାପ ବର୍ଷା ସମ୍ଭାବନା ଥିବାରୁ କାର୍ଯ୍ୟକ୍ରମ ବାତିଲ ହେବାର ସମ୍ଭାବନା ଥିଲା । ତଥାପି ଲୋକଙ୍କ ମନରେ ଉତ୍କଣ୍ଠା କମିନଥିଲା  । ଶୋ’ ଦେଖିବାକୁ ବେଳାଭୂମିରେ ପ୍ରବଳ ଭିଡ ଜମିଥିଲା । ଏଥିପାଇଁ ଗତକାଲି ରିହର୍ସାଲରେ ପ୍ରବଳ ଭିଡ଼ ଜମିଥିଲା । ଯୁବପିଢୀଙ୍କ ମଧ୍ୟରେ ସେନା ବାହିନୀରେ ସାମିଲ ହେବାକୁ ଆଗ୍ରହ ସୃଷ୍ଟି କରିବା ଲକ୍ଷ୍ୟରେ ଭାରତୀୟ ବାୟୁସେନା ପକ୍ଷରୁ ବିଭିନ୍ନ ସ୍ଥାନରେ ଆୟୋଜିତ ହେଉଛି ଏୟାର ଶୋ’  ।

ଦିନକ ପୂର୍ବରୁ ବାୟୁସେନାର ସୂର୍ଯ୍ୟକିରଣ ଏୟାର ସୋ ଭୁବନେଶ୍ୱରେ ଅନୁଷ୍ଠିତ ହୋଇଥିଲା  । ଏଥିପାଇଁ ୧୧ଟି ହକ ବିମାନ ରାଜଧାନୀରେ ପହଞ୍ଚିଥିବା ବେଳେ  ସୋ’ରେ ୯ଟି ହକ୍ ବିମାନ ଅଂଶଗ୍ରହଣ କରିଥିଲେ । ତେବେ ପୁରୀ ବେଳାଭୂମିରେ ଆଜି ଏହି ସୋ ହେବ । ଭୁବନେଶ୍ବର, ପୁରୀ ପରେ ଆସାମର ଗୌହାଟୀରେ ଏହି ସୋ ହେବ ।