୧୩ ଶହ ବର୍ଷ ପରେ ଏମିତି ସୂର୍ଯ୍ୟପରାଗ, ଭାରତର ଏହି ସ୍ଥାନର ଲୋକ ରୁହନ୍ତୁ ସତର୍କ !

ନନ୍ଦିଘୋଷ ବ୍ୟୁରୋ: ଆଉ କିଛି ସମୟ ପରେ ବର୍ଷର ଶେଷ ସୂର୍ଯ୍ୟ ପରାଗ ଲାଗିବ । ତେବେ ଏହି ସୂର୍ଯ୍ୟ ଗ୍ରହଣ ତୁଳା ରାଶିରେ ଲାଗିବ । ଏହି ସୂର୍ଯ୍ୟପରାଗରେ ୧୩୦୦ ବର୍ଷ ପରେ ଏକ ବହୁତ ଦୁର୍ଲଭ ସଂଯୋଗ ବନୁଛି । ଜ୍ୟୋତିର୍ବିଦଙ୍କ କହିବା ଅନୁସାରେ, ସୂର୍ଯ୍ୟପରାଗ ସମୟରେ ଚାରି ପ୍ରମୁଖ ଗ୍ରହ ବୁଦ୍ଧ, ଗୁରୁ, ଶୁକ୍ର ଏବଂ ଶନି ସ୍ୱରାଶିରେ ବିରାଜମାନ ରହିବେ । ସୂର୍ଯ ଗ୍ରହଣ ସମୟରେ ବୁଧ କନ୍ୟା ରାଶିରେ, ଗୁରୁ ମୀନ ରାଶିରେ, ଶୁକ୍ର ତୁଳା ରାଶିରେ ଏବଂ ଶନି ମକର ରାଶିରେ ରହିବେ ।

ଦୀପାବଳିର ଆଗାମୀ ଦିନ ଏହି ଚାରି ଗ୍ରହର ଯୋଗରେ ୧୩୦୦ ବର୍ଷ ପରେ ସୂର୍ଯ୍ୟ ପରାଗ ଲାଗିବାକୁ ଯାଉଛି । ବର୍ଷର ସେଷ ସୂର୍ଯ୍ୟପରାଗ ଅପରାହ୍ନ ୨ ଟା ବାଜି ୨୯ ମିନିଟରୁ ଆଇସଲ୍ୟାଣ୍ଡରେ ଆରମ୍ଭ ହେବ ଏବଂ ସନ୍ଧ୍ୟା ୬ ଟା ୨୦ ମିନିଟରରେ ଆରବ ସାଗରରେ ସମାପ୍ତ ହେବ । ଭାରତରେ ଏହି ସୂର୍ଯ୍ୟ ପରାଗ ଅପରାହ୍ନ ୪ ଟା ୨୯ରୁ ସନ୍ଧ୍ୟା ୬ ଟା ୯ ମିନିଟ ପର୍ଯ୍ୟନ୍ତ ଦେଖାଯିବ । ଅର୍ଥାତ ଭାରତରେ ପରାଗ ଦେଖିବାକୁ ମୋଟ ଅବଧି ପ୍ରାୟ ୧ ଘଣ୍ଟା ୪୦ ମିନିଟ ରହିବ । ଏହା ଭାରତରେ ଦେଖାଯିବାକୁ ଥିବା ବର୍ଷର ପ୍ରଥମ ସୂର୍ଯ୍ୟ ପରାଗ ଅଟେ ।

ବର୍ଷର ଶେଷ ସୂର୍ଯ୍ୟ ପରାଗ ରାଜଧାନୀ ଦିଲ୍ଲୀଠୁ ନେଇ କୋଲକାତା, ମୁମ୍ବାଇ, ଚେନ୍ନାଇ, ପାଟନା, ଜୟପୁର, ଲକ୍ଷ୍ନୌ, ହାଇଦ୍ରାବାଦ, ବେଙ୍ଗାଲୁରୁ, ଅହମ୍ମଦାବାଦ, ପୁଣେ, ନାଗପୁର, ଭୋପାଳ, ଚଣ୍ଡିଗଡ଼, ମଥୁରା, ଲେହ, ଲଦାଖ, ଜମ୍ମୁ କାଶ୍ମୀର, ଶ୍ରୀନଗର, ଉତ୍ତରାଖଣ୍ଡ, ପଞ୍ଜାବ, ରାଜସ୍ଥାନ ଏବଂ ମଧ୍ୟପ୍ରଦେଶରେ ଦେଖାଯିବ । ସୂର୍ଯ୍ୟପରାଗ ଅବଧିରେ ଏହି ସ୍ଥାନରେ ରହୁଥିବା ଲୋକମାନଙ୍କୁ ଅଧିକ ସତର୍କତା ଅବଲମ୍ବନ କରିବାକୁ ହେବ । ଏହି ସୂର୍ଯ୍ୟଗ୍ରହଣ ଭାରତର ଉତ୍ତର-ପୂର୍ବ  ରାଜ୍ୟଗୁଡ଼ିକରେ ଦେଖାଯିବ ନାହିଁ ।

ଆସାମ, ଅରୁଣାଚଳପ୍ରଦେଶ, ମଣିପୁର ଏବଂ ନାଗାଲାଣ୍ଡ ଭଳି ରାଜ୍ୟରେ ଦେଖାଯିବନି । ସୂର୍ଯ୍ୟପରାଗ ସମୟରେ ଗର୍ଭବତୀ ମହିଳା, ଶିଶୁ, ବୃଦ୍ଧବୃଦ୍ଧା ଏବଂ ଆକ୍ରାନ୍ତ ଲୋକଙ୍କୁ ବିଶେଷ ଭାବେ ସତର୍କତା ଅବଲମ୍ବନ କରିବା ଆବଶ୍ୟକ । ସୂର୍ଯ୍ୟ ପରାଗ ସମୟରେ ରାହୁ କେତୁ ଏବଂ ସୂର୍ଯ୍ୟର ପ୍ରଭାବ ଅଧିକ ହୋଇଯାଇଥାଏ, ଏଥିପାଇଁ ଗର୍ଭରେ ବଢ଼ୁଥିବା ଶିଶୁର କୁଣ୍ଡଳୀରେ ଏହି ଗ୍ରହ ସହ ସମ୍ବନ୍ଧିତ ଦୋଷ ଆସିବାର ସମ୍ଭାବନା ଥାଏ ।

ପରାଗ ପୂର୍ବରୁ ଖାଇବା ପିଇବା ଜିନିଷରେ ତୁଳସୀ ପତ୍ର ପକାଇ ଦେବା ଉଚିତ । ଏପରି କରିବା ଦ୍ୱାରା ଗ୍ରହଣର ନକରାତ୍ମକ କିରଣର ପ୍ରଭାବ ଖାଇବା ପିଇବା ଜିନିଷ ଉପରେ ପଡ଼ିନଥାଏ । ସୂର୍ଯ୍ୟ ପରାଗକୁ ଖାଲି ଆଖିରେ ଦେଖିବା କ୍ଷତିକାରକ ବୋଲି କୁହାଯାଇଥାଏ । ଏଥିପାଇଁ ସାଧାରଣ ଚଷମାର ବ୍ୟବହାର କରନ୍ତୁ । ଟେଲିସ୍କୋପ ଜରିଆରେ ମଧ୍ୟ ସୂର୍ଯ୍ୟପରାଗ ନଦେଖିବା ଉଚିତ । ସବୁଠୁ ଭଲ ହେବ ଯେ ଏହି ସମୟରେ ବାହାରକୁ ନଯିବା । ସୂର୍ଯ୍ୟପରାଗ ସମୟରେ ନଖ, ଚୁଟି ଓ ଦାଢ଼ି କାଟନ୍ତୁନାହିଁ । ଗ୍ରହଣ ଅବଧିରେ କିଛି ନଖାଇବା ଉଚିତ । ପରାଗ ଅବଧି ସରିବା ପରେ ସ୍ନାନ କରିସାରି ଖାଇପାରିବେ ।