ଗଞ୍ଜାମରେ ୨ ସଂକ୍ରମିତ ଚିହ୍ନଟ ପରେ କ୍ୱାରେଣ୍ଟାଇନରୁ ୨୦ ସୁରତ ଫେରନ୍ତା ଛୁ…
ଗଞ୍ଜାମ: ଜିଲ୍ଲାରେ ୨ ସୁରନ୍ତ ଫେରନ୍ତାଙ୍କ ଠାରେ କରୋନା ପଜିଟିଭ୍ ଚିହ୍ନଟ ହେବା ପରେ ପ୍ରବାସୀ ଆତଙ୍କିତ ହୋଇ ପଡ଼ିଛନ୍ତି । ଜିଲ୍ଲାର ବିଭିନ୍ନ କ୍ୱାରେଣ୍ଟାଇନ୍ ସେଣ୍ଟରରେ ଉତ୍ତେଜନା ଦେଖାଦେଇଛି । ବେଗୁନିଆପଡ଼ା ବ୍ଲକ ରାଗପୁର ସେଣ୍ଟର ଗେଟ୍ ଭାଙ୍ଗି ସୁରତ ଫେରନ୍ତା ଖସି ପଳାଇଥିବା ଜଣାପଡ଼ିଛି ।
ରାଗପୁର ସେଣ୍ଟରରୁ ୧୫ରୁ ୨୦ ଜଣ ଖସି ପଳାଇଥିବା ଜଣାପଡ଼ିଛି । ଅନ୍ୟ ଏକ କେନ୍ଦ୍ରରେ ଗେଟ୍ ଭାଙ୍ଗିବାକୁ ଉଦ୍ୟମ କରିଛନ୍ତି ସୁରତ ଫେରନ୍ତା । ବିଶେଷକରି କ୍ୱାରେଣ୍ଟାଇନ୍ ସେଣ୍ଟର ଗୁଡ଼ିକରେ ପୋଲିସ ସୁରକ୍ଷା ନଥିବାରୁ ସେମାନେ ଖସି ପଳାଇଥିବା ଜଣାପଡ଼ିଛି ।
କ୍ୱାରେଣ୍ଟାଇନରେ ଥିବା ପ୍ରବାସୀମାନଙ୍କ ଏଭଳି ବିଶୃଙ୍ଖଳିତ ଆଚରଣ କରୋନା ସଂକ୍ରମଣ ଆଶଙ୍କାକୁ ଆହୁରି ବଢ଼ାଇ ଦେଇଛି । ରାଜ୍ୟ ସରକାର ଓ ପ୍ରଶାସନ ପ୍ରବାସୀଙ୍କୁ ଫେରାଇ ଆଣିବା ଲାଗି ଦିନରାତି ଏକ କରି ଦେଇଥିବା ବେଳେ ସେମାନଙ୍କ ଆଚରଣ ସମସ୍ତଙ୍କୁ ବିପଦରେ ଛିଡ଼ା କରାଇବ ।
