ପଲିଟିକ୍ସକୁ ଆସିବେ ପାଇଲଟ୍, ସୁରଙ୍କ ଉତ୍ତରାଧିକାରୀ ଏଥିପାଇଁ ରେଡ୍ଡି
ଭୁବନେଶ୍ୱର: ରାଜୀବ ଗାନ୍ଧୀଙ୍କ ଜୟନ୍ତିରେ କଂଗ୍ରେସର ପୁରୁଖା ନେତା ସୁର ରାଉତରାୟଙ୍କ ବଡ଼ ଘୋଷଣା । ସାନପୁଅ ମନ୍ମଥ ହେବେ ତାଙ୍କ ରାଜନୈତିକ ଉତ୍ତରାଧିକାରୀ । କଂଗ୍ରେସ ଭବନରେ ଅନୁଷ୍ଠିତ ଏକ ମିଶ୍ରଣ ପର୍ବରେ ସୁରଙ୍କ ସାନପୁଅ ମନ୍ମଥ ରାଉତରାୟଙ୍କ ଉପସ୍ଥିତ ଏହାକୁ ଜାହିର କରୁଥିଲା । ଏନେଇ ବିଧାୟକ ସୁର କହିଛନ୍ତି ଯେ, ସାନପୁଅ ସଂଗଠନ ମଜବୁତ କରିବାରେ ପ୍ରମୁଖ ଭୂମିକା ଗ୍ରହଣ କରୁଛନ୍ତି । ତେଣୁ ପୁଅ ଯଦି ରାଜନୀତିକୁ ଆସିବାକୁ ଇଚ୍ଛା କରିବେ, ମୋର ଆପତ୍ତି ନାହିଁ ।
ସେପଟେ ମନ୍ମଥ ବି ଦେଇଛନ୍ତି ପଲିଟିକ୍ସରେ ଏଣ୍ଟ୍ରି ନେଇ ଇସାରା । ରାଜୀବ ଗାନ୍ଧୀ ଯେଉଁ କମ୍ପାନୀରେ ପାଇଲଟ ଥିଲେ ମୁଁ ସେହି କମ୍ପାନୀରେ ପାଇଲଟ ଅଛି । ରାଜୀବ ପାଇଲଟ ଚାକିରି ଛାଡ଼ି ରାଜନୀତିରେ ଯୋଗ ଦେଇ ପ୍ରାଧାନମନ୍ତ୍ରୀ ହୋଇଥିଲେ । ଏବେ ମୁଁ ଚାକିରିରେ ଅଛି । ବାପାଙ୍କୁ ସାହାଯ୍ୟ କରୁଛି ଓ ରାଜନୀତି ଶିଖିୁଛି ।
୨୦୧୯ ସାଧାରଣ ନର୍ବାଚନ ପରେ ଆଉ ନିର୍ବାଚନ ଲଢିବେ ନାହିଁ ବୋଲି ବିଧାୟକ ସୁର ରାଉତରାୟ ପୂର୍ବରୁ ଘୋଷଣା କରିଛନ୍ତି । ତେଣୁ ତାଙ୍କୁ ଉତ୍ତରାଧିକାରୀ କିଏ ହେବ ସେନେଇ ବଡ଼ପୁଅ ଓ ସାନପୁଅଙ୍କ ନାଁ ଚର୍ଚ୍ଚାକୁ ଆସୁଥିଲା । ହେଲେ ଆଜିର ମିଶ୍ରଣ ପର୍ବରେ ସାନପୁଅଙ୍କୁ ପ୍ରୋଜେକ୍ଟ କରିବା ଏବେ ଜଟଣୀର ସେ ହିଁ ଉତ୍ତରାଧିକାରୀ ହେବେ ବୋଲି କଂଗ୍ରେସ ମହଲରେ ଚର୍ଚ୍ଚା ଜୋର ଧରିଛି ।
