ନନ୍ଦିଘୋଷ ବ୍ୟୁରୋ: ବିଜେପି ଉପରେ ବର୍ଷିଲେ ବରିଷ୍ଠ ନେତା ସୁର ରାଉତରାୟ। ସେ କହିଛନ୍ତି, ବିଜେପି ନେତାମାନେ ବାରମ୍ବାର ଶସ୍ତା ମନ୍ତବ୍ୟ, ଫାଲତୁ ମନ୍ତବ୍ୟ ଦେଉଛନ୍ତି। କେନ୍ଦ୍ରୀୟ ବଜେଟରେ ଓଡ଼ିଶା ପାଇଁ ଟଙ୍କାଟିଏ ନାହିଁ। ସ୍ପେସାଲ ପ୍ୟାକେଜ କୁଆଡେ ଗଲା। ପୋଲାଭରମ କରି କଣ ଓଡ଼ିଶା ବୁଡାଇବ କି ବୋଲି ସେ ବିଜେପିକୁ ପ୍ରଶ୍ନ କରିଛନ୍ତି। ବିହାର ଆଉ ଆନ୍ଧ୍ର ୧୦-୧୫ ଏମପି ଦେଇଛନ୍ତି। ଆମେ ୨୦ ଏମପି ଦେଇଛୁ, କିନ୍ତୁ ବିଜେପି ବଜେଟରେ ଆମକୁ କିଛି ଦେଇ ନାହିଁ। ପର୍ଯ୍ଯଟନର ବିକାଶ କରାଯିବ ବୋଲି ବଜେଟରେ ଘୋଷଣାକୁ ନେଇ ସୁର କହିଛନ୍ତି, ତୁମେ କଣ ଏଠାରେ ପର୍ଯ୍ୟଟନର ଉନ୍ନତି କରିବ। ଆମର ଏଠି ପୂର୍ବରୁ ପର୍ଯ୍ଯଟନସ୍ଥଳୀ ଅଛି। ଓଡି଼ଶାରୁ ୨୦ଟି ଏମପି ନେଇ ଓଡ଼ିଶାକୁ ବିଜେପି ଧୋକା ଦେଇଛି ବୋଲି କହିଛନ୍ତି ସୁର ରାଉତ ରାୟ।
