ପିସିସି ସଭାପତିଙ୍କ ଚିଠିର ଉତ୍ତର ରଖିଲେ ସୁର ରାଉତରାୟ, କହିଲେ ବିବାଦ ଥିଲେ ମନ୍ତବ୍ୟ ଫେରାଇ ନେଉଛି

1 min read

ଭୁବନେଶ୍ୱର: ପିସିସି ସଭାପତିଙ୍କ ନୋଟିସର ଜବାବ ଦେଲେ ବରିଷ୍ଠ କଂଗ୍ରେସ ନେତା ତଥା ଜଟଣୀ ବିଧାୟକ ସୁରେଶ ରାଉତରାୟ । ନିଜେ ନିରଞ୍ଜନ ପଟ୍ଟନାୟକ, ଜୟଦେବ ଜେନା, ଶରତ ରାଉତ ପ୍ରମୁଖ ଏଭଳି ମନ୍ତବ୍ୟ ଦେଇଥିବା ବେଳେ ମୋ ବେଳକୁ କାହିଁକି ନୋଟିସ ବୋଲି ଓଲଟା ପ୍ରଶ୍ନ ବୋଲି କରିଛନ୍ତି ସୁର । ନୋଟିସର ଉତ୍ତର ଦେଇଛି, ଯାହା ପଦକ୍ଷେପ ନେଲେ କିଛି ପରଓ୍ୱା ନାହିଁ ବୋଲି କହିଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ । ଦିନକୁ ୧୮ ଘଣ୍ଟା କଂଗ୍ରେସ ଦଳ ପାଇଁ ପରିଶ୍ରମ କରୁଛି । ତେଣୁ ଏ ନୋଟିସକୁ ଖାତିର ନାହିଁ ବୋଲି କହିଛନ୍ତି ସୁରେଶ ରାଉତରାୟ । ସେହିପରି କଂଗ୍ରେସ ଭବନରେ ପିସିସି ସଭାପତିଙ୍କ ଉପରେ ବର୍ଷିଛନ୍ତି ସୁର ରାଉତରାୟ ।

ସୂଚନା ଅନୁସାରେ ବିଶୃଙ୍ଖଳା ପାଇଁ ଗତକାଲି ସୁର ରାଉତରାୟଙ୍କୁ ନୋଟିସ କରିଥିଲେ ପିସିସି ସଭାପତି । ସୁର ରାଉତରାୟଙ୍କ ଏଭଳି ମନ୍ତବ୍ୟ ପାଇଁ ଦଳର ଭାବମୂର୍ତ୍ତି ନଷ୍ଟ ହେଉଛି ଓ ଦଳ ସମାଲୋଚିତ ହେଉଛି । ବରିଷ୍ଠ ନେତା ହୋଇ କେଉଁ ପରିସ୍ଥିତିରେ ଏଭଳି ବୟାନ ଦେଲେ, ସେନେଇ ସ୍ପଷ୍ଟୀକରଣ ଦେବାକୁ ପିସିସି ସଭାପତି ନିରଞ୍ଜନ ପଟ୍ଟନାୟକ ସୁରେଶ ରାଉତରାୟଙ୍କୁ ନୋଟିସ୍ କରିଥିଲେ ।

 

[DISPLAY_ULTIMATE_SOCIAL_ICONS]