ଦଳିତଙ୍କର ଜମି ଇଞ୍ଚେ ବି ଛାଡ଼ିବୁନି, କିଛି ଅଭାବ ନଥାଇ କ’ଣ ପାଇଁ ଗରିବଙ୍କ ଜମି ହଡ଼ପ କରିଛନ୍ତି: ସୁର ରାଉତରାୟ
ଖୋର୍ଦ୍ଧା: ଖୋର୍ଦ୍ଧା ସାରୁଅରେ ଜଗି ଓ ବୈଜୟନ୍ତ ପଣ୍ଡାଙ୍କ କମ୍ପାନୀ ଓଡ଼ିଶା ଇନ୍ଫ୍ରାଟେକ୍ ପ୍ରାଇଭେଟ୍ ଲିମିଟେଡ୍ର ଜମି କେଳେଙ୍କାରୀ ନେଇ କଂଗ୍ରେସ ବିଧାୟକ ସୁରେଶ କୁମାର ରାଉତରାୟ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ସାରୁଅରେ ଯଦି ଦଳିତଙ୍କର ଜମି ରହିଛି ତେବେ ତାକୁ ବୈଜୟନ୍ତ ବାବୁ ଫେରାଇଦେବା ଦରକାର । ସବୁଥାଇ କଣ ପାଇଁ ଗିରବ ଲୋକଙ୍କର ଜମି ହଡ଼ପ କରିଛ ବୋଲି ସୁର ରାଉତରାୟ ପ୍ରଶ୍ନ କରିଛନ୍ତି । ବୈଜନ୍ତ ପଣ୍ଡାଙ୍କ ବାପା ତାଙ୍କ ପାଇଁ ସବୁ ଛାଡ଼ିଯାଇଛନ୍ତି । କିନ୍ତୁ ସେ ଗରିବ ଲୋକଙ୍କର ଜମିକୁ ହଡ଼ପ କରି କିଛି ଭଲ କରୁନାହାନ୍ତି ବୋଲି ସୁର ରାଉତରାୟ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯଦି ସେମାନେ ଜମି ନ ଦିଅନ୍ତି ତେବେ ଆମେ ସେହି ସବୁ ଜମିକୁ ଛଡ଼ାଇ ଆଣିବୁ । ଜଳିତଙ୍କ ଜମି ଆମେ ଛାଡ଼ିବୁନି । ମୋ ନିର୍ବାଚନ ମଣ୍ଡିଳର ହେଉଛି ସେ ସମସ୍ତ ଜମି । ଇଞ୍ଚେ ଜମି ଦେବାନାହିଁ ବୋଲି ସେ କହିଛନ୍ତି । ଗରିବଙ୍କ ଜମି ହଡ଼ପ କରି ବୈଜୟନ୍ତ ପଣ୍ଡା ସବୁଠାରୁ ବଡ଼ ଭୁଲ କରିଛନ୍ତି ।
