କଂଗ୍ରେସକୁ କମବ୍ୟାକ୍ କରିବେ ସୁର ରାଉତରାୟ, ଖୁବଶୀଘ୍ର ରାହୁଲଙ୍କୁ ଭେଟିବେ
ଭୁବନେଶ୍ବର: ବରିଷ୍ଠ ନେତା ସୁରେଶ ରାଉତରାୟଙ୍କ ହେବ ଘରବାହୁଡା । ଖୁବଶୀଘ୍ର ସେ କଂଗ୍ରେସକୁ ଫେରିବା ନେଇ ଚର୍ଚ୍ଚା ଜୋର ଧରିଛି । ପିସିସି ସଭାପତିଙ୍କ ସହ ଦଳର ନେତାମାନେ ଫେରି ଆସିବାକୁ ଅନୁରୋଧ କରିଛନ୍ତି ସୁର ରାଉତରାୟ ।
ଖୁବଶୀଘ୍ର ରାହୁଲ ଗାନ୍ଧୀ ଓ ସୋନିଆ ଗାନ୍ଧୀଙ୍କୁ ସେ ଭେଟି ଆଲୋଚନା କରିବେ । ନିଲମ୍ବନ ଆଦେଶ ଉଠିଲା ପରେ କଂଗ୍ରେସ ଭବନ ଯିବା ପାଇଁ ପ୍ରସ୍ତୁତି ଆରମ୍ଭ କଲେଣି ସୁର । ସେପଟେ ଦରଦାମ ବୃଦ୍ଧି ନେଇ କେନ୍ଦ୍ର ଓ ରାଜ୍ୟକୁ ସୁର ପରାମର୍ଶ ଦେଇଛନ୍ତି । ତୁରନ୍ତ ଦରଦାମ ନିୟନ୍ତ୍ରଣ କର । ତେଲ, ଡାଲି ଠାରୁ ଆରମ୍ଭ କରି ପରିବା ଦର ବି ଆକାଶ ଛୁଆଁ ହୋଇଛି । ଲୋକେ ବହୁତ ହଇରାଣ ହେଉଛନ୍ତି । କେନ୍ଦ୍ରମନ୍ତ୍ରୀ ମଣ୍ଡଳରେ ଓଡ଼ିଶାକୁ ଅଧିକ ଗୁରୁତ୍ଵ ଦିଆଯାଉ ବୋଲି ଦାବି କରିଛନ୍ତି ସୁର ରାଉତରାୟ ।
