ସୁର ଭାଇଙ୍କ ସାଉଥ୍ ଲୁକ୍; ରିଲିଜ୍ ହେଲା ‘ଆସିଗଲା ସୁର ରାଉତ’ ସଙ୍ଗୀତ

ଭୁବନେଶ୍ୱର: ରେଡି, ମାଡି ଚାଲ ଓ ବିୟୁଟିଫୁଲ୍ । ସାଉଥ୍ ଲୁକରେ ସୁର ଭାଇ । ନାଲି କୁର୍ତ୍ତା, ବ୍ଳାକ ଚଷମାରେ ଦମଦାର ଏଣ୍ଟ୍ରି । ରାପ୍ ସାଙ୍ଗକୁ ଦେଶୀ ଠୁମକା । ରଙ୍ଗବତୀର ତାଳେ ତାଳେ ଝୁମିବାରେ ଆସ ସଙ୍ଗାତ । ଗତ କିଛି ଦିନ ପୂର୍ବରୁ ରଙ୍ଗବତୀ ଟାଇଟଲ ଟ୍ରାକରେ ‘ଆସିଗଲା ସୁର ରାଉତ’ ରାପ ଗାଇ ଚର୍ଚ୍ଚାକୁ ଆସିଥିଲେ କଂଗ୍ରେସର ଜଟଣୀ ବିଧାୟକ ସୁର ରାଉତରାୟ । ଯାହାର ଭିଡିଓ ଏବେ ରିଲିଜ ହୋଇଛି । ଓଡିଶାର ଯାନି-ଯାତରା ଓ ପରମ୍ପରାକୁ ନେଇ ସୁର ରାପ୍ କରିଥିବା ବେଳେ ସଂଗୀତ ଦେଇଛନ୍ତି ଜଣାଶୁଣା ସଂଗୀତ ନିର୍ଦ୍ଦେଶକ ଜାପାନୀ । ଭିଡିଓ ଗୀତଟି ଦୟା ନଦୀକୂଳରେ ସୁଟିଂ ହୋଇଛି ।ରଙ୍ଗବତୀ ଭିଡିଓ ଗୀତ ରିଲିଜ ପରେ ସୁରଙ୍କ ନୂଆ ଟାଲେଣ୍ଟକୁ ବେଶ ପ୍ରଶଂସା କରିଛନ୍ତି ସୁରଙ୍କ ପତ୍ନୀ ।

ସେହିପରି ସୁର ମଧ୍ୟ ନିଜ କଲେଜ ବେଳର ଅନୁଭୂତିକୁ ମନେ ପକାଇଛନ୍ତି । ଆଗକୁ ଓଡିଆ ଫିଲ୍ମରେ ଅଭିନୟର ସୁଯୋଗ ପାଇଲେ ଅଭିନୟ କରିବେ ବୋଲି କହିଛନ୍ତି ସୁର । ତେବେ ଖଳନାୟକ ଓ ଅଭିଭାବକ ଚରିତ୍ର ତାଙ୍କ ପ୍ରଥମ ପସନ୍ଦ ବୋଲି ସେ କହିଛନ୍ତି । ସୁର ରାଉତଙ୍କ ଡାନ୍ସ ମ୍ୟୁଜିକ ଭିଡିଓ ରିଲିଜ ପରେ ସୋସିଆଲ ମିଡିଆରେ ଜୋରଦାର ଭାଇରାଲ ହୋଇଛି । ତା ସହ ତାଳ ଦେଇ ବଢୁଛି ଲାଇକ, ସେୟାର ଓ ଭ୍ୟୁ ।