ସମ୍ବିତଙ୍କୁ ଭର୍ତ୍ସନା କଲେ ସୁର, ଜଗନ୍ନାଥଙ୍କୁ ନେଇ ନାଟକ ନକରନ୍ତୁ

ଭୁବନେଶ୍ୱର: ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପ୍ରସଙ୍ଗ । ସମ୍ବିତ ପାତ୍ରଙ୍କୁ ଭର୍ତ୍ସନା କଲେ ବରିଷ୍ଠ କଂଗ୍ରେସ ନେତା ତଥା ଜଟଣୀ ବିଧାୟକ ସୁରେଶ ରାଉତରାୟ । ସମ୍ବିତ ପାତ୍ର ମହାପ୍ରଭୁ ଜଗନ୍ନାଥଙ୍କୁ ନେଇ ନାଟକ ନକରନ୍ତୁ ବୋଲି କହିଛନ୍ତି ସୁର ରାଉତରାୟ । ସେ ଆହୁରି କହିଛନ୍ତି ସମ୍ବିତ ପାତ୍ର ଜଗନ୍ନାଥଙ୍କୁ କେତେବେଳ ମୁଣ୍ଡେଇ, କେତେବେଳେ କାଖେଇ ନାଚୁଛନ୍ତି । ସମ୍ବିତ ମୁଣ୍ଡିଆ, କୁଣ୍ଡିଆ ରାଜନୀତି ବନ୍ଦ କରନ୍ତୁ ବୋଲି ତାତ୍ସଲ୍ୟ କରି କହିଛନ୍ତି ସୁର ।

ଓଡ଼ିଶାରେ ଧର୍ମକୁ ନେଇ ରାଜନୀତି ନକରାଯାଉ । ପୁରୀ, ଲିଙ୍ଗରାଜ ମନ୍ଦିରର ବିକାଶ ହେଉ । ପର୍ଯ୍ୟଟକଙ୍କ ସୁବିଧା ପାଇଁ ହେଉଥିବା କାମ ତୁରନ୍ତ ଶେଷ କରାଯାଉ । ଭୁଲ୍ ଦେଖିଲେ ଏଏସଆଇ, ଆର୍କିଓଲୋଜି ଓ ହାଇକୋର୍ଟଙ୍କୁ ସମ୍ବିତ ପାତ୍ର ଜଣାନ୍ତୁ ବୋଲି କହିଛନ୍ତି ସୁର ରାଉତରାୟ । ବାରମ୍ବାର ପୁରୀ ଆସି ନାଟକ ନକରନ୍ତୁ ବୋଲି ବରିଷ୍ଠ କଂଗ୍ରେସ ବିଧାୟକ କହିଛନ୍ତି ।