ବିବାଦୀୟ ସୁର ବାବାଙ୍କ ଦେହାନ୍ତ, ଆଶ୍ରମରେ ତାଙ୍କ ପାର୍ଥିବ ଶରୀରକୁ ଦର୍ଶନ କରୁଛନ୍ତି ସମର୍ଥକ

ଭୁବନେଶ୍ୱର: ବିବାଦୀୟ ସୁର ବାବାଙ୍କ ଦେହାନ୍ତ । ଭୁବନେଶ୍ୱର ଉପକଣ୍ଠ ଝିଇଁଣ୍ଟି ଶାସନର ତ୍ରାହି ଅଚ୍ୟୁତ ଆଶ୍ରମର ପ୍ରତିଷ୍ଠାତା ସୁର ବାବା ଓରଫ ସୁରେନ୍ଦ୍ର ମିଶ୍ରଙ୍କ ପରଲୋକ ହୋଇଛି । ଅସୁସ୍ଥତା କାରଣରୁ ବହୁଦିନ ଧରି ଚିକିତ୍ସିତ ହେଉଥିଲେ। ଗତକାଲି ରାତିରେ ତାଙ୍କର ଦେହାନ୍ତ ହୋଇଛି । ସାରଥୀ ବାବା ବିବାଦ ସମୟରେ ସୁର ବାବା ପ୍ରତି ଜନ ଆକ୍ରୋସ ଦେଖାଦେଇଥିଲା ।

ସୁର ବାବା ସମ ଭଣ୍ଡ ବୋଲି ଭାବି ଲୋକେ ପୋଲିସ ପହରା ସତ୍ତ୍ୱେ ଆଶ୍ରମରେ ପଶି ବ୍ୟାପକ ଭଙ୍ଗାରୁଜା କରିଥିଲେ । ଗାଡି ପୋଡିଦେଇଥିଲେ । ଆଶ୍ରମରେ ୧୪୪ ଧାରା ଜାରି ହୋଇଥିଲା । ଅନୁସନ୍ଧାନ ବେଳେ ସୁର ମିଶ୍ରଙ୍କ ନାଁରେ ୮୪ ଏକର ଜମି ଠାବ କରିଥିଲା କ୍ରାଇମବ୍ରାଞ୍ଚ । ସୁର ବାବା ସମେତ ତାଙ୍କର ୨ ପୁଅ ଜମି ଓ ଆଶ୍ରମ କେଲେଙ୍କାରୀ ମାମଲାରେ ୩୧ ଅଗଷ୍ଟ ୨୦୧୫ରେ ଗିରଫ ହୋଇଥିଲେ । ପରେ ସୁପ୍ରମକୋର୍ଟରୁ ଜାମିନ ପାଇ ଡିସେମ୍ବର ୧ରେ ଆଶ୍ରମକୁ କମବ୍ୟାକ କରିଥିଲେ ସୁର ବାବା । ଆଜି ତାଙ୍କ ବିୟୋଗରେ ଆଶ୍ରମରେ ତାଙ୍କ ପାର୍ଥିବ ଶରୀରକୁ ଦର୍ଶନ କରୁଛନ୍ତି ତାଙ୍କ ସମର୍ଥକ ।