ମାତ୍ର ଗୋଟିଏ କ୍ଳିକ୍ରେ ମିଳିବ ମଦ, ଅନ୍ଲାଇନ୍ କାରବାର ପାଇଁ ସୁପ୍ରିମକୋର୍ଟଙ୍କ ପରାମର୍ଶ
1 min read
ଭୁବନେଶ୍ୱର/କଟକ: ଘରେ ପହଞ୍ଚିବ ମଦ । ରାଜ୍ୟ ସରକାର ଚାହିଁଲେ ଅନଲାଇନରେ ମଦ କାରବାର କରାଯାଇପାରିବ । ଲକଡାଉନରେ ମଦ ଦୋକାନ ଆଗରେ ଅସମ୍ଭବ ଭିଡ଼କୁ ଦେଖି ଏହାକୁ ବନ୍ଦ କରିବା ପାଇଁ ସୁପ୍ରିମକୋର୍ଟରେ କରାଯାଇଥିଲା ଜନସ୍ୱାର୍ଥ ମାମଲା ।
ଏହାର ବିଚାର କରି ଅନଲାଇନ ମଦ କାରବାର କରିବାକୁ ପରାମର୍ଶ ଦେଇଛନ୍ତି ସୁପ୍ରିମକୋର୍ଟ । ଅନ୍ୟପଟେ କଟକରେ ୪୦ କୋଟି ଟଙ୍କାର ମଦ ବୋଝେଇ ଟ୍ରକ ଅଟକି ରହିଥିବା ଗୋଦାମ ଖାଲି ନଥିବାରୁ ମଦ ଅନଲୋଡ ହୋଇପାରୁନି । ଯାହାକୁ ନେଇ ଅସନ୍ତୋଷ ଝାଡିଛନ୍ତି ଡ୍ରାଇଭର ।
ମଦ ଦୋକାନ ବାହାରେ ଜମୁଛି ଭିଡ଼ । ଭିଡ଼କୁ ନିୟନ୍ତ୍ରଣ କରିବା ସହ ସାମାଜିକ ଦୂରତା ମାନିବାକୁ ହେଲେ ଅନଲାଇନରେ ମଦ ବିକ୍ରି କରିବାକୁ ରାଜ୍ୟ ସରକାରଙ୍କୁ ପରାମର୍ଶ ଦେଇଛନ୍ତି ସୁପ୍ରିମକୋର୍ଟ । ଏଣିକି ରାଜ୍ୟ ସରକାର ଅନୁମତି ଦେଲେ ରାଜ୍ୟ ଭିତରେ ମାତ୍ର ଗୋଟିଏ ଫୋନ କଲରେ ଅନଲାନରେ ମିଳିପାରିବ ମଦ । ଲକଡାଉନ ସମୟରେ ମଦ ଦୋକାନ ବନ୍ଦ କରିବାକୁ ସୁପ୍ରିମକୋର୍ଟରେ ଜନସ୍ୱାର୍ଥ ମାମଲା ରୁଜୁ କରିଥିଲେ ଆଇନଜୀବୀ ସାଇ ଦୀପକ । ଏହାକୁ ବିଚାର କରି ହୋମ ଡେଲିଭରିରେ ମଦ ବିକ୍ରି କରିବା ପାଇଁ ପରାମର୍ଶ ଦେଇଛନ୍ତି ସୁପ୍ରିମକୋର୍ଟ ।
ଅନ୍ୟପଟେ କଟକ ନିର୍ଖଣ୍ଡି ଠାରେ ଅଟକି ରହିଛି ୭୦ଟି ମଦ ବୋଝେଇ ଟ୍ରକ । ଦେଢମାସ ହେବ ୪୦ କୋଟି ଟଙ୍କାର ମଦକୁ ଜଗି ରହିଛନ୍ତି ଟ୍ରକ ଡ୍ରାଇଭର ଓ ହେଲପର । ସନ୍ଧ୍ୟା ନଇଁଲେ ଅସାମାଜିକ ଲୋକଙ୍କ ଆଡ୍ଡ। ଜମୁଛି । ୨ ଦୁଇ ଦିନ ମଧ୍ୟରେ ମଦ ଖାଲି ନକଲେ ଗାଡ ଛାଡି ଚାଲିଯିବାକୁ ଚେତାଇ ଦେଇଛନ୍ତି ଟ୍ରକ ଡ୍ରାଇଭର । ରାଜ୍ୟ ପାନୀୟ ନିଗମ କର୍ତ୍ତୃପକ୍ଷଙ୍କ କହିବା କଥା ନିଗମ ଗୋଦାମରେ ମଦ ମହଜୁଦ ରହିଛି । ଗୋଦାମ ଖାଲି ହେଲାପରେ ହିଁ ଟ୍ରକରୁ ମଦ ଅନଲୋଡ ହୋଇପାରିବ ।
୧୭ ମଇ ଯାଏଁ ଲକଡାଉନ ବୃଦ୍ଧି ଘୋଷଣା ପରେ ଗୃହ ମୃନ୍ତ୍ର।ଳୟ ମଦ ଦୋକାନ ଖୋଲିବାକୁ ଅନୁମତି ଦେଇଥ୍ଲେ । ଅନେକ ରାଜ୍ୟରେ ମଦ ଦୋକାନ ଖୋଲିଲା । କିନ୍ତୁ ଛତିଶଗଡ, ପଶ୍ଚିମବଙ୍ଗ ଓ ପଞ୍ଜାବ ସରକାର ହୋମ ଡେଲିଭରିରେ ମଦ ବିକ୍ରିକୁ ଅନୁମତି ଦେଇସାରିଛନ୍ତି । ଏହାସହ ଦିଲ୍ଲୀରେ ଇ-ଟୋକନର ବ୍ୟବସ୍ଥା ହୋଇଛି ।
