ଲଖମିପୁର ଘଟଣାରେ ନିଜ ଆଡ଼ୁ ହସ୍ତକ୍ଷେପ କଲେ ସୁପ୍ରିମକୋର୍ଟ, କାଲି ଶୁଣାଣି

1 min read
Supreme Court Took Suo Moto Cognizance Of Lakhimpur Incident

ନୂଆଦିଲ୍ଲୀ: ଲଖିମପୁର ହିଂସା ଘଟଣାକୁ ନିଜ ଆଡ଼ୁ ଶୁଣାଣି ପାଇଁ ଗ୍ରହଣ କରିଛନ୍ତି ସର୍ବୋଚ୍ଚ ନ୍ୟାୟାଳୟ । ଆସନ୍ତାକାଲି ଗୁରୁବାର ପ୍ରଧାନ ବିଚାରପତି ଏହାର ଶୁଣାଣି କରିବେ । ଲଖିମପୁରରେ ଅକ୍ଟୋବର ୩ରେ ହୋଇଥିବା ହିଂସାକୁ ନେଇ ସୁପ୍ରିମକୋର୍ଟ ହସ୍ତକ୍ଷେପ ପାଇଁ ଲଗାତାର ଦାବି ହେଉଥିଲା । ଲଖିମପୁର ଖିରିରେ କୃଷକଙ୍କ ବିକ୍ଷୋଭ ବେଳେ ହୋଇଥିବା ହିଂସାରେ ୮ ଜଣଙ୍କ ମୃତ୍ୟୁ ହୋଇଥିଲା ।

ସୁପ୍ରିମକୋର୍ଟ ଏହି ମାମଲାକୁ ନିଜ ଆଡ଼ୁ ଶୁଣାଣି ପାଇଁ ନିଅନ୍ତୁ ବୋଲି କହିଥିଲେ କପିଲ ଶିବ୍ବଲ । ଏହା ବାଦ୍ ଘଟଣାକୁ ନେଇ ସୁପ୍ରିମକୋର୍ଟଙ୍କୁ ମଙ୍ଗଳବାର ଏକ ଚିଠି ଲେଖି ଉଚ୍ଚସ୍ତରୀୟ ନ୍ୟାୟିକ ଯାଞ୍ଚ ପାଇଁ ଅନୁରୋଧ କରିଥିଲେ ।

ଲଖିମପୁର ଖିରି ଜିଲ୍ଲାର ତିକୋନିୟାରେ ରବିବାର ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟଙ୍କ ଗସ୍ତ, କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ ମିଶ୍ରାଙ୍କ ପୈତୃକ ଗାଁ ଗସ୍ତକୁ ନେଇ ବିରୋଧ ପରେ ହିଂସା ହୋଇଥିଲା । ଏଥିରେ ୪ ଜଣ କୃଷକଙ୍କ ସହ ୮ ଜଣଙ୍କ ପ୍ରାଣହାନି ଘଟିଥିଲା । ଏହି ମାମଲାରେ ଅଜୟ ମିଶ୍ରାଙ୍କ ପୁଅ ସମେତ ଅନ୍ୟ କେତେକ ଜଣଙ୍କ ବିରୋଧରେ ମାମଲା ରୁଜୁ ହୋଇଛି ।

Opn Commnet Area

Leave a Reply

Your email address will not be published. Required fields are marked *