ରାହୁଲ ଗାନ୍ଧୀଙ୍କୁ ଦଣ୍ଡାଦେଶ ଶୁଣାଇଥିବା ବିଚାରପତିଙ୍କ ପଦୋନ୍ନତି ଉପରେ ରୋକ୍

ନୂଆଦିଲ୍ଲୀ: ମାନହାନୀ ମାମଲାରେ ରାହୁଲ ଗାନ୍ଧୀଙ୍କୁ ଦଣ୍ଡାଦେଶ ଦେଇଥିବା ବିଚାରପତିଙ୍କ ପଦୋନ୍ନତି ଉପରେ ରୋକ ଲଗାଇଲେ ସୁପ୍ରିମକୋର୍ଟ । ଗୁଜରାଟର ମୋଟ ୬୮ ଜଣ ବିଚାରପତିଙ୍କ ପଦୋନ୍ନତି ଉପରେ ସୁପ୍ରିମକୋର୍ଟ ରୋକ ଲଗାଇଛନ୍ତି । ଏହି ପଦୋନ୍ନତି ବେଆଇନ ବୋଲି କୋର୍ଟ କହିଛନ୍ତି । ଏହି ପଦୋନ୍ନତି ପାଇଁ ଗୁଜରାଟ ରାଜ୍ୟ ସରକାର ବିଜ୍ଞପ୍ତି ପ୍ରକାଶ କରିଥିଲେ । ୬୮ ଜଣ ବିଚାରପତିଙ୍କ ମଧ୍ୟରେ ସୁରଟ କୋର୍ଟର ବିଚାରପତି ହରିଷ ହସମୁଖଭାଇ ଅଛନ୍ତି । ସେ ରାହୁଲ ଗାନ୍ଧୀଙ୍କୁ ଦଣ୍ଡାଦେଶ ଶୁଣାଇଥିଲେ । କିଛି ଦିନ ତଳେ ଗୁଜରାଟ ସରକାର ତାଙ୍କୁ ପଦୋନ୍ନତି ଦେଇଥିଲେ । ବରିଷ୍ଠତା ଏବଂ ଦକ୍ଷତା ଭିତ୍ତିରେ ବିଚାରପତିଙ୍କୁ ପଦୋନ୍ନତି ଦେବା କଥା କିନ୍ତୁ ରାଜ୍ୟ ସରକାର ଏହାକୁ ଅଣଦେଖା କରି ପଦୋନ୍ନତି ବଜ୍ଞପ୍ତି ଜାରି କରିଛନ୍ତି ବୋଲି ସୁପ୍ରିମକୋର୍ଟ କହିଛନ୍ତି ।