ଗ୍ୟାଙ୍ଗଷ୍ଟର ଅତିକ ଅହମ୍ମଦ ଓ ଭାଇ ଅସରଫ ହତ୍ୟା ମାମଲା , ୟୁପି ସରକାରଙ୍କୁ ସୁପ୍ରିମକୋର୍ଟଙ୍କ ଭର୍ତ୍ସନା
1 min read![](https://nandighoshatv.com/wp-content/uploads/2023/04/atik-1024x723.webp)
ବ୍ୟୁରୋ : ଗ୍ୟାଙ୍ଗଷ୍ଟର ଅତିକ ଅହମ୍ମଦ ଓ ଭାଇ ଅସରଫ ହତ୍ୟା ମାମଲା । ୟୁପି ସରକାରଙ୍କୁ ସୁପ୍ରିମକୋର୍ଟଙ୍କ ଭର୍ତ୍ସନା । ଅତିକ, ଅସରଫକୁ ମେଡିକାଲ ଟେଷ୍ଟ ପାଇଁ ନିଆଯାଉଛି ବୋଲି ହତ୍ୟାକାରୀ ଜାଣିଲେ କେମିତି ? ଆମ୍ବୁଲାନ୍ସରୁ ବାହାର କରି ସେମାନଙ୍କୁ ଚଲାଇ ଚଲାଇ କାହିଁକି ହସ୍ପିଟାଲକୁ ନିଆଯାଉଥିଲା ? ସିଧା ସିଧା ଆମ୍ବୁଲାନ୍ସରେ କାହିଁକି ଅତିକ ଓ ଅସରଫକୁ ହସ୍ପିଟାଲକୁ ନିଆଗଲାନି ? ମିଡିଆ ଆଗରେ କାହିଁକି ବାଇଟ ଦେବାକୁ ସେମାନଙ୍କୁ ଅଟକା ଯାଇଥିଲା ବୋଲି ଖଣ୍ଡପୀଠ ପ୍ରଶ୍ନ କରିଛନ୍ତି ।
ଅତିକ-ଅସରଫ ହତ୍ୟା ମାମଲାରେ ୟୁପି ସରକାରଙ୍କୁ ଷ୍ଟାଟସ ରିପୋର୍ଟ ମାଗିଛନ୍ତି ଖଣ୍ଡପୀଠ । ତିନି ସପ୍ତାହ ମଧ୍ୟରେ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଛି । ହତ୍ୟାକାଣ୍ଡ ମାମଲାରେ ହୋଇଥିବା କେଉଁ କେଉଁ ଦିଗକୁ ନେଇ ତଦନ୍ତ କରାଯାଇଛି ବୋଲି ରିପୋର୍ଟ ଦେବାକୁ କୋର୍ଟ କହିଛନ୍ତି । ଏହାସହ ଉମେଶ ପାଲ ମର୍ଡର କେସ ଓ ଅତିକର ପୁଅ ଅସଦକୁ ଏନକାଉଣ୍ଟର ମାମଲାର ତଦନ୍ତ ରିପୋର୍ଟ ମଧ୍ୟ କୋର୍ଟରେ ଦାଖଲ କରିବାକୁ ଖଣ୍ଡପୀଠ ନିର୍ଦ୍ଦେଶ ଦେଇଛନ୍ତି ।
୨୦୨୦ରେ ବିକାଶ ଦୁବେ ଏନକାଉଣ୍ଟର ମାମଲାରେ ଗଠନ ହୋଇଥିବା ତଦନ୍ତ କମିସନ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଛି । ୨୦୧୭ରୁ ୟୁପିରେ ହୋଇଥିବା ଏନକାଉଣ୍ଟର ମଧ୍ୟରୁ ଅଧିକାଂଶ ଫେକ୍ ଓ ଏହାର ତଦନ୍ତ ଦାବି କରି ସୁପ୍ରିମକୋର୍ଟରେ ପିଟିସନ ଦାଏର କରିଥିଲେ ଆଇନଜୀବୀ ବିଶାଲ ତିଓ୍ବାରୀ ।