ବାବ୍ରି ମସଜିଦ ବିଧ୍ୱଂସ ମାମଲାର ଶୁଣାଣି କରିଥିବା ବିଚାରପତିଙ୍କ ସୁରକ୍ଷା ବଢ଼ାଯିବ ନାହିଁ: ସୁପ୍ରିମକୋର୍ଟ

ନୂଆଦିଲ୍ଲୀ: ୨୮ ବର୍ଷ ପୁରୁଣା ବାବ୍ରି ମସଜିଦ ବିଧଂସ୍ୱ ମାମଲାର ଶୁଣାଣି କରିଥିବା ବିଚାରପତି ଏସକେ ଯାଦବଙ୍କ ସୁରକ୍ଷା ବୃଦ୍ଧି କରାଯିବ ନାହିଁ ବୋଲି ସୁପ୍ରିମ କୋର୍ଟର ନିର୍ଦ୍ଦେଶ । ଏହା ପୂର୍ବରୁ ସୁପ୍ରିମ କୋର୍ଟ ଏସକେ ଯାଦବଙ୍କୁ ସୁରକ୍ଷା ପ୍ରଦାନ କରିଥିଲେ । ଏମିତିକି ମାମଲାର ଶୁଣାଣି ପାଇଁ ତାଙ୍କ ଅବସର ସମୟକୁ ମଧ୍ୟ ବୃଦ୍ଧି କରାଯାଇଥିଲା । ନିକଟରେ ବାବ୍ରି ମସଜିଦ ବିଧଂସ୍ୱ ମାମଲାରେ ରାୟ ଆସିଥିଲା ଯେଉଁଥିରେ ଲାଲକୃଷ୍ଣ ଆଡଭାନୀଙ୍କ ସମେତ ସମସ୍ତ ଅଭିଯୁକ୍ତଙ୍କୁ ନିର୍ଦ୍ଦୋଶ ଘୋଷଣା କରାଯାଇଥିଲା ।

ସୂଚନା ଅନୁଯାୟୀ ମାମଲାର ଶୁଣାଣି କରିଥିବା ବିଚାରପତି ଏସକେ ଯାଦବ ବିଗତ ବର୍ଷ ସେପ୍ଟେମ୍ବର ୩୦ରେ ଚାକିରିରୁ ଅବସର ନେଇଥାନ୍ତେ, କିନ୍ତୁ ସୁପ୍ରିମ କୋର୍ଟ ଏଥିରେ ରୋକ ଲଗାଇଥିଲେ । ସ୍ପେଶାଲ ସିବିଆଇ ବିଚାରପତି ଏସକେ ଯାଦବଙ୍କୁ ଅପ୍ରେଲ ୨୦୨୦ ପର୍ଯ୍ୟନ୍ତ କାର୍ଯ୍ୟରେ ରହି ମାମଲାର ଶୁଣାଣି କରିବା ପାଇଁ ସୁପ୍ରିମ କୋର୍ଟ ନିର୍ଦ୍ଦେଶ ଦେଇଥିଲେ । କାର୍ଯ୍ୟକାଳ ବଢ଼ାଇବାକୁ ନେଇ ସୁପ୍ରିମ କୋର୍ଟ ଉତ୍ତର ପ୍ରଦେଶ ସରକାରଙ୍କୁ ଏ ନେଇ ମତ ରଖିବାକୁ କହିଥିଲେ, ଯାହା ଉତ୍ତରରେ ୟୁପି ସରକାର କହିଥିଲେ ଯେ, ରାଜ୍ୟରେ କୌଣସି ବିଚାରପତିଙ୍କ କାର୍ଯ୍ୟକାଳ ବଢ଼ାଇବା ନେଇ କୌଣସି ବ୍ୟବସ୍ଥା ନାହିଁ । ତେଣୁ କୋର୍ଟ ନିଜ ଅନୁଚ୍ଛେଦ ୧୪୨ ଅଧିନରେ ଏହା କରିପାରିବେ ।

ଏହା ପରେ ମାମଲାର ଶୁଣାଣି ଆସିବା ପର୍ଯ୍ୟନ୍ତ ତାଙ୍କ କାର୍ଯ୍ୟକାଳ ବଢ଼ାଇବା ପାଇଁ ନିର୍ଦ୍ଦେଶ ଦେଇଥିଲା ସର୍ବୋଚ୍ଚ ନ୍ୟାୟାଳୟ । ନିର୍ଦ୍ଦେଶ ଅନୁଯାୟୀ, ୟୁପି ସରକାର ଏକ ବିଜ୍ଞପ୍ତି ଜାରି କଲେ ଏବଂ ରାୟ ଆସିବା ପର୍ଯ୍ୟନ୍ତ ତାଙ୍କ କାର୍ଯ୍ୟକାଳ ବୃଦ୍ଧି କରାଗଲା । ବିଚାର ପ୍ରକ୍ରିୟା ସମୟରେ ବିଚାରପତି ସୁପ୍ରିମକୋର୍ଟରେ ସୁରକ୍ଷା ପାଇଁ ଆବେଦନ କରିଥିଲେ, ଯାହା ପରେ ସୁପ୍ରିମକୋର୍ଟ ୟୁପି ସରକାରଙ୍କୁ ତାଙ୍କୁ ସୁରକ୍ଷା ଦେବାକୁ ନିର୍ଦ୍ଦେଶ ଦେଇଥିଲେ।

ସୂଚନା ଅନୁଯାୟୀ ବାବ୍ରି ମସଜିଦ ବିଧ୍ୱଂସ ମାମଲାର ୨୮ ବର୍ଷ ଧରି ଶୁଣାଣି ହୋଇପାରୁନଥିଲା । ଶେଷରେ ୨୦୨୦ ମସିହା ସେପ୍ଟେମ୍ବର ୩୦ ତାରିଖକୁ ଶେଷ ତାରିଖ ଧାର୍ଯ୍ୟ କରି ସେହିଦିନ ମାମଲାର ଶୁଣାଣି କରାଯାଇଥିଲା । ଏହି ହାଇ ପ୍ରୋଫାଇଲ କେସରେ ମୋଟ ୪୯ ଅଭିଯୁକ୍ତଙ୍କ ମଧ୍ୟରୁ ଭାରତୀୟ ଜନତା ପାର୍ଟିର ଅନେକ ବଡ଼ ବଡ଼ ନେତା ତଥା ଲାଲ କୃଷ୍ଣ ଆଡ଼ଭାନୀ, ମୁରଲୀ ମନୋହର ଯୋଶୀ, ଊମା ଭାରତୀ ସହ ଅନ୍ୟ ନେତା ସାମିଲ ଥିଲେ । ଶୁଣାଣି ଦିନ କୋର୍ଟ ସମସ୍ତ ଅଭିଯୁକ୍ତଙ୍କୁ ଉପସ୍ଥିତ ରହିବାକୁ ନିର୍ଦ୍ଦେଶ ଦେଇଥିଲା । ଅବଶ୍ୟ ଏହି ମାମଲାରେ ସମ୍ପୃକ୍ତ ଅନେକ ଅଭିଯୁକ୍ତଙ୍କର ମୃତ୍ୟୁ ହୋଇଯାଇଥିବା ବେଳେ  ଅନେକ ସ୍ୱାସ୍ଥ୍ୟାବସ୍ଥା ଠିକ୍ ନଥିବା କାରଣ ଦର୍ଶାଇ କୋର୍ଟରେ ଉପସ୍ଥିତ ହୋଇପାରିନଥିଲେ ।

Leave a Reply