ସୁପ୍ରିମକୋର୍ଟ ଓକିଲ ମୋତେ ଧମକାଉଛନ୍ତି: ଡିମ୍ପଲ

ବ୍ରହ୍ମପୁର: ବ୍ରହ୍ମପୁର ବ୍ରହ୍ମାନଗର ଡିମ୍ପଲ-ସୁମିତ ବିବାହ ବିବାଦ ମାମଲାରେ ଆଉ ଏକ ନୂଆ ଟ୍ୱିଷ୍ଟ । ଗତକାଲି ରାତିରେ ଜଣେ ଅଜଣା ବ୍ୟକ୍ତି ଆସି ଡିମ୍ପଲଙ୍କ ସହ ଯୁକ୍ତିତର୍କ କରିଥିଲେ । ଉକ୍ତ ବ୍ୟକ୍ତି ଜଣଙ୍କ ନିଜକୁ ଶ୍ରୀରାମ ସୁପ୍ରିମକୋର୍ଟ ଓକିଲର ପରିଚୟ ଦେଇ ଡିମ୍ପଲଙ୍କ ସହ ଯୁକ୍ତିତର୍କ କରିଥିଲେ । ଏନେଇ ଡିମ୍ପଲ ବି.ଏନ ପୁର ଥାନା ଅଧିକାରୀଙ୍କୁ ଫୋନ ଯୋଗେ ଅଭିଯୋଗ କରିଛନ୍ତି । ତେବେ ଯେଉଁ ବ୍ୟକ୍ତି ଆସି ଡିମ୍ପଲଙ୍କୁ ଧମକାଇ ଥିଲେ ସେ କିଏ, ତାଙ୍କୁ କ’ଣ ଧମକ ଦେଇଛିନ୍ତି ତାହା ସବୁକୁ ଡିମ୍ପଲ ଭିଡିଓ ରେକର୍ଡିଂ କରିଛନ୍ତି । ତେବେ ଏହି ଭିଡିଓକୁ ଡିମ୍ପଲ ପୋଲିସକୁ ଦେଖାଇବେ ବୋଲି କହିଛନ୍ତି ।

ଅନ୍ୟପକ୍ଷରେ ଡିମ୍ପଲଙ୍କ ସହ ଯୁକ୍ତିତର୍କ କରିଥିବା ବ୍ୟକ୍ତି ଜଣଙ୍କ ସତରେ ଜଣେ ଓକିଲ ନା ଆଉ କିଏ ତାହା ତଦନ୍ତ ପରେ ହିଁ ଜଣାପଡ଼ିବ । ସେପଟେ ଡିମ୍ପଲଙ୍କ ଧାରଣାକୁ ୩୯ ଦିନରେ ପହଞ୍ଚିଥିବାବେଳେ ସେ ଅସୁସ୍ଥ ହୋଇପଡିଲେଣି ବୋଲି କହିଛନ୍ତି ।