ଇଏମ୍ଆଇ ସମ୍ପର୍କିତ ମାମଲାର ସୁପ୍ରିମକୋର୍ଟରେ ଶୁଣାଣି: ୩ ଦିନ ମଧ୍ୟରେ ନିଷ୍ପତ୍ତି ନେବାକୁ ନିର୍ଦ୍ଦେଶ
ନୂଆଦିଲ୍ଲୀ: ଶୁକ୍ରବାର ସୁପ୍ରିମକୋର୍ଟରେ ଇଏମ୍ଆଇ ସମ୍ପର୍କିତ ଏକ ମାମଲାର ଶୁଣାଣି ହୋଇଛି । ମାମଲାର ଶୁଣାଣି କରି ରିଜର୍ଭ ବ୍ୟାଙ୍କ ଏବଂ ଅର୍ଥ ମନ୍ତ୍ରାଳୟ ୩ ଦିନ ମଧ୍ୟରେ ସମ୍ପୃକ୍ତ ବିଷୟରେ ନିର୍ଣ୍ଣୟ ନେବାକୁ ନିର୍ଦ୍ଦେଶ ଦେଇଛନ୍ତି । ତେବେ ଆଗାମୀ ଶୁଣାଣି ନିମେନ୍ତ ୧୭ ତାରିଖକୁ ଧାର୍ଯ୍ୟ କରାଯାଇଛି ।
ଇଏମ୍ଆଇ ପଇଠ କରିବା ନେଇ ୬ ମାସର ମହଲତ
କରୋନା ସଂକଟ ଏବଂ ଲକଡାଉନ୍ କାରଣରୁ ଇଏମ୍ଆଇ ଶୁଝିବା ନିମନ୍ତେ ଅତିରିକ୍ତ ୬ମାସର ସମୟ ଦିଆଯାଇଛି । ତେବେ ଏହି ସମୟରେ ସୁଦ୍ଧ ଛାଡ଼ ହେବ କି ନାହିଁ ସେ ନେଇ ଦାୟର ପିଟିସନ ଉପରେ ସୁପ୍ରିମକୋର୍ଟରେ ଶୁଣାଣି । ମାମଲାର ଶୁଣାଣି କରି ୩ ଦିନ ମଧ୍ୟରେ ଏସଂକ୍ରାନ୍ତରେ ନିର୍ଣ୍ଣୟ ନେବାକୁ ରିଜର୍ଭ ବ୍ୟାଙ୍କ ଏବଂ ଅର୍ଥ ମନ୍ତ୍ରାଳୟକୁ ନିର୍ଦ୍ଦେଶ ଦେଇଛନ୍ତି ମାନ୍ୟବର କୋର୍ଟ ।
ଇଏମ୍ଆଇ ଉପରେ ଲାଗୁ ସୁଦ୍ଧ ଉପରେ ସୁଦ୍ଧ ଲଗାଯିବକୁ ନେଇ କୋର୍ଟ ଚିନ୍ତା ପ୍ରକଟ କରିଛନ୍ତି । ସେ ନେଇ ସମସ୍ୟା ଦେଖାଯାଇଥିବା ବେଳେ ମଝି ରାସ୍ତା ବାହାର କରିବାକୁ କହିଛନ୍ତି କୋର୍ଟ । ଲକଡାଉନ୍ ସମୟରେ ବହୁ ଲୋକଙ୍କ ବ୍ୟବସାୟ ଠପ୍ ହୋଇଯାଇଥିବାରୁ ଲୋକେ ଇଏମ୍ଆଇ ସୁଝିବାରେ ସମସ୍ୟାର ସମ୍ମୁଖିନ ହେଉଛନ୍ତି ।
ସୁଦ୍ଧ ଛାଡ଼ ହେଲେ ୨ଲକ୍ଷ କୋଟିର କ୍ଷତି ହେବ
ରିଜର୍ଭ ବ୍ୟାଙ୍କର ନିର୍ଦ୍ଦେଶ ଅନୁଯାୟୀ ଇଏମ୍ଆଇରେ ୬ ମାସର ମେରିଟୋରିୟମ୍ ତ ଦିଆଯାଇଛି । କିନ୍ତୁ ଋଣ ଉପରେ ସୁଦ୍ଧ ପୂର୍ବ ଭଳି ଲାଗୁ ରହିଛି । ସୁପ୍ରିମକୋର୍ଟରେ ଦାୟର ପିଟିସନରେ ଏହା ଉପରେ ରିହାତି ମଗାଯାଇଛି । ବ୍ୟାଙ୍କଗୁଡ଼ିକର କହିବା ହେଲା ଯେ, ଋଣ ଉପରେ ସୁଦ୍ଧ ଛାଡ଼ କଲେ ପାଖାପାଖି ୨ ଲକ୍ଷ କୋଟି ଟଙ୍କାର କ୍ଷତି ହେବ । ଯାହାର ବୋଝ ସହିବା ଅସମ୍ଭବ ।
