ନୂଆଦିଲ୍ଲୀ: ଲଭ୍ ଜିହାଦ ଅଧ୍ୟାଦେଶକୁ ବିରୋଧ କରି ସୁପ୍ରିମକୋର୍ଟରେ ଦାଏର ହୋଇଥିବା ପିଟିସନ ଖାରଜ ହୋଇଛି। ବେଆଇନ ଭାବେ ଧର୍ମପରିବର୍ତ୍ତନ ଓ ଲଭ୍ ଜିହାଦକୁ ନେଇ ମଧ୍ୟପ୍ରଦେଶ ସରକାର ଗତ ଜାନୁୟାରୀରେ ନୁଆ ଅଧ୍ୟାଦେଶ ଆଣିଥିଲେ। ଏହାକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟରେ ପିଟିସନ ଦାଏର ହୋଇଥିଲା ।
ତେବେ ସୁପ୍ରିମକୋର୍ଟ ଏହାର ଶୁଣାଣି କରିବାକୁ ମନା କରି ଦେଇଛନ୍ତି। ଏଭଳି ପିଟସନ ପ୍ରଥମେ ହାଇକୋର୍ଟରେ ଦାଏର କରିବାକୁ ସୁପ୍ରିମକୋର୍ଟ କହିଛନ୍ତି। ଏକାଧିକ ରାଜ୍ୟରେ ଜାରି ହୋଇଥିବା ଏଭଳି ଅଧ୍ୟାଦେଶ ବିରୋଧରେ ଆସିଥିବା ଅଭିଯୋଗ ବିରୋଧରେ ସୁପ୍ରିମକୋର୍ଟ ସମ୍ପୃକ୍ତ ରାଜ୍ୟ ସରକାରଙ୍କୁ ନୋଟିସ ଜାରି କରିଥିଲେ। ମାତ୍ର କୌଣସି ଗୋଟିଏ ରାଜ୍ୟର ଅଧ୍ୟାଦେଶକୁ ନେଇ କରାଯାଇଥିବା ପିଟିସନର ଶୁଣାଣି କରିବାକୁ ମନା କରିଦେଇଛନ୍ତି ସର୍ବୋଚ୍ଚ ନ୍ୟାୟାଳୟ ।
ସୂଚନାଯୋଗ୍ୟ, ଏହା ପୂର୍ବରୁ ଦାଏର ହୋଇଥିବା ଏକ ପିଟିସନର ଶୁଣାଣି କରି ୟୁପି ଓ ଉତ୍ତରାଖଣ୍ଡ ସରକାରଙ୍କୁ ସର୍ବୋଚ୍ଚ ନ୍ୟାୟାଳୟ ନୋଟିସ ଜାରି କରିଥିଲେ।
