ବିଜେପିର ଅଭିଯୋଗ, ସାଂସଦ ସନ୍ନି ଦେଓଲ ନିଖୋଜ

ଅମୃତସର: ପଞ୍ଜାବ ଗୁରୁଦାସପୁର ଲୋକସଭା ନିର୍ବାଚନ ମଣ୍ଡଳୀର ବିଜେପି ସାଂସଦ ସନ୍ନି ଦେଓଲ ନିଖୋଜ । ସନ୍ନି ମିସିଂ ଥିବା ନେଇ ବିଜେପି କର୍ମୀମାନେ ପଠାନକୋଟ ସହରରେ ମାରିଛନ୍ତି ପୋଷ୍ଟର । ବିଶିଷ୍ଟ ଅଭିନେତା ତଥା ସାଂସଦ ଲୋକଙ୍କ ସହ ନଥିବାରୁ ଉତକ୍ଷିପ୍ତ କର୍ମୀ ସନ୍ନି ମିସିଂ ଥିବା ନେଇ ପୋଷ୍ଟର ମାରିଛନ୍ତି । ବିଭିନ୍ନ ଘରର କାନ୍ଥ, ରେଳଷ୍ଟେସନ ଓ ଯାନବାହନରେ ଏହି ପୋଷ୍ଟର ମରାଯାଇଛି ।

ଦୀର୍ଘ ଦିନ ଧରି ସଂସଦୀୟ କ୍ଷେତ୍ରରେ ସେ ଅନୁପସ୍ଥିତ ରହିବା ସହ ବିଭିନ୍ନ ଉନ୍ନୟମମୂଳକ କାର୍ଯ୍ୟ ଠପ୍ ହୋଇଯାଇଛି । ଏପରିକି ସନ୍ନିଙ୍କ ଇସ୍ତଫା ଦାବି କରିଛନ୍ତି ଖୋଦ୍ ଦଳୀୟ କର୍ମୀ । କେତେକ କର୍ମୀ କହିଛନ୍ତି ସେ ରାଜ୍ୟରେ ଶିଳ୍ପ ପ୍ରଗତି ନେଇ କୌଣସି କାର୍ଯ୍ୟ କରି ନଥିବାବେଳେ ସଂସଦୀୟ ପାଣ୍ଠି ଖର୍ଚ୍ଚ କରିନାହାନ୍ତି । ଗୁରୁଦାସପୁର ଲୋକସଭା ନିର୍ବାଚନ ମଣ୍ଡଳୀରୁ କଂଗ୍ରେସ ପ୍ରାର୍ଥୀ ସୁନୀଲ ଜାଖଡଙ୍କୁ ପରାସ୍ତ କରିଥିଲେ ସନ୍ନି ଦେଓଲ ।