ସଲମାନ ଖାନ୍ ଙ୍କ ପାଇଁ ସୁନିଲ୍ ଓ କପିଲ୍ ଏକାଠି

ମୁମ୍ବାଇ: ୨୦ ଡିସେମ୍ବର ଦିନଟି ସଲମାନ ଖାନଙ୍କ ପାଇଁ ଓ ତାଙ୍କ ପରିବାର ପାଇଁ ଅତ୍ୟନ୍ତ ଶୁଭଥିଲା । ଏହିଦିନ ତାଙ୍କ ଅଭିନିତ ଫିଲ୍ମ ଦବଙ୍ଗ-୩ ର ରିଲିଜ୍ ହେବାପରେ ପରିବାରରେ ସମସ୍ତେ ମିଶି ଭାଇ ସୋହେଲ୍ ଖାନଙ୍କର ଜନ୍ମଦିନ ଉତ୍ସବ ବେଶ୍ ଆନନ୍ଦରେ ମନାଇଥିଲେ ।

ସଲମାନଙ୍କ ଘର ଗ୍ୟାଲେକ୍ସି ଆପାଟମେଣ୍ଟରେ ଏହି ଉତ୍ସବର ଆୟୋଜନ କରାଯାଇଥିଲା । ସୋହେଲଙ୍କର ୫୦ତମ ଜନ୍ମଦିନ ଅବସରରେ ବିଭିନ୍ନ ଷ୍ଟାରମାନେ ମଧ୍ୟ ଯୋଗ ଦେଇଥିଲେ । ଏଥିରେ ସବୁଠୁ ସ୍ୱତନ୍ତ୍ର କଥା ହେଲା ପାର୍ଟିରେ ସୁନିଲ୍ ଗ୍ରୋଭର ଓ କପିଲ୍ ଶର୍ମା ଦୁହିଁଙ୍କୁ ଗୋଟିଏ ଛାତ ତଳେ ଦେଖିବାକୁ ମିଳିଥିଲା ।

ସଲମାନ ଖାନ୍ ବଲିଉଡର ଜଣେ ଏମିତି କଳାକାର ଯିଏକି ସବୁ କିଛି କରିବାକୁ ସମର୍ଥ । ବର୍ତ୍ତମାନ କହିବାକୁ ଗଲେ ସୁନିଲ୍ ଗ୍ରୋଭର ଓ କପିଲ୍ ଶର୍ମା ଦୁହିଁଙ୍କ ସହ ସଲମାନଙ୍କର ଭଲ ସମ୍ପର୍କ ରହିଛି । ତେଣୁ ସେ ତାଙ୍କ ପାର୍ଟିରେ ଦୁହିଁଙ୍କୁ ଡାକିବା କିଛି ଆଶ୍ଚର୍ଯ୍ୟର କଥା ନୁହେଁ । ତେବେ ଏହି ଦୁହିଁଙ୍କ ଛଡା ସେହି ପାର୍ଟିରେ ଅରବାଜ୍ ଙ୍କ ଗାର୍ଲଫ୍ରେଣ୍ଡ୍ ଜାର୍ଜିଆ ଏଣ୍ଡ୍ରିଆ, ସନ୍ନି ଲିଓନି, ରିତେଶ୍ ଦେଶମୁଖ୍, ଜେନେଲିଆ ଡି-ସୌଜା, ସୁନିଲ୍ ସେଟ୍ଟି, ନେହା ଧୁପିଆ ପ୍ରମୁଖ କଳାକାର ମଧ୍ୟ ଯୋଗ ଦେଇଥିଲେ ।