ଜନସ୍ୱାସ୍ଥ୍ୟ ବିଭାଗର କୋଟିପତି ସହକାରୀ ଯନ୍ତ୍ରୀ
ରାଉରକେଲା: ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ଫସିଲେ ସହକାରୀ ଯନ୍ତ୍ରୀ । ସୁନ୍ଦରଗଡ଼ ଜନସ୍ୱାସ୍ଥ୍ୟ ବିଭାଗର ସହକାରୀ ଯନ୍ତ୍ରୀ ନାରାୟଣ ପ୍ରଧାନଙ୍କ ବାସଭବନ ସମେତ ଅଫିସରେ ଆଜି ଭିଜିଲାନ୍ସ ରେଡ୍ କରିଥିଲା । ଏକକାଳୀନ ୬ଟି ସ୍ଥାନରେ ରାଉରକେଲା ଭିଜିଲାନ୍ସ ଚଢ଼ାଉ କରିଥିବା ବେଳେ ସହକାରୀ ଯନ୍ତ୍ରୀଙ୍କ ୧ କୋଟି ୮୪ଲଷ ୬୦ ହଜାର ୬୧୯ ଟଙ୍କାର ସମ୍ପତ୍ତି ଠାବ ହୋଇଛି ।
ସହକାରୀ ଯନ୍ତ୍ରୀଙ୍କ ପାଖରେ ୨ଟି ଦୁଇ ମହଲା କୋଠା ଘର, ୨ଟି ଆଜବେଷ୍ଟସ ଘର ସହ ଭୁବନେଶ୍ୱର, ସମ୍ବଲପୁର, ବୁର୍ଲା, ଅନୁଗୁଳ ଓ ଦେବଗଡ଼ ଜିଲ୍ଲାରେ ରହିଛି ସମୁଦାୟ ୩୧ଟି ପ୍ଲଟ । ଗୋଟିଏ ଟ୍ରାକ୍ଟର, ଗୋଟିଏ କାର, ନଗଦ ଦେଢ଼ ଲଷ ଟଙ୍କା ମିଳିଛି । ସାଢେ ୯ ଲଷ ଟଙ୍କାର ବିଭିନ୍ନ ଘରକରଣା ସାମଗ୍ରୀ ଠାବ କରିଛି ଭିଜିଲାନ୍ସ ।
୨ ଲଷ ୪୯ ହଜାର ଟଙ୍କାର ବ୍ୟାଙ୍କ ଜମା ମିଳିଥିବା ବେଳେ ୩୨ ଲକ୍ଷ ଟଙ୍କାର ଏଲଆଇସି ପ୍ରମିୟମ୍ ଜମା, ୪ ଲକ୍ଷ ୨୩ ହଜାର ଟଙ୍କା ମୁଲ୍ୟର ସୁନା ଅଳଙ୍କାର ମିଳିଛି । ଭିଜିଲାନ୍ସ ଟିମ୍ ଆଜି ଏକକାଳୀନ ୬ଟି ସ୍ଥାନରେ ରେଡ୍ କରିଛଥିଲା । ଏବେବି ଚଢ଼ାଉ ଜାରି ରହିଛି ।
