ସୁନ୍ଦରଗଡ଼ ମେଡିକାଲ୍ କଲେଜରେ ନିଯୁକ୍ତି ନାଁରେ ଠକେଇ, ୪ ଜଣଙ୍କୁ ଗିରଫ କଲା ପୋଲିସ

ସୁନ୍ଦରଗଡ଼: ସୁନ୍ଦରଗଡ଼ ମେଡ଼ିକାଲ୍ କଲେଜରେ ନିଯୁକ୍ତି ନାଁରେ ଠକେଇ । ୪ ଜଣ ଅଭିଯୁକ୍ତଙ୍କୁ ଗିରଫ କଲା ପୋଲିସ । ଗିରଫ ଅଭିଯୁକ୍ତମାନଙ୍କୁ ସୁନ୍ଦରଗଡ ଟାଉନ୍ ଥାନାରେ ଅଟକ ରଖି ପଚରାଉଚରା କରାଯାଉଛି । ସୁନ୍ଦରଗଡ଼ ମେଡ଼ିକାଲ କଲେଜରେ ବିଭିନ୍ନ ପଦବୀରେ ଚାକିରି ଦେବା ନାମରେ କିଛି ଦଲାଲ ୧୭ ହଜାରରୁ ୭୦ ହଜାର ଟଙ୍କା ଠକି ନକଲି ନିଯୁକ୍ତି ପତ୍ର ଦେଉଥିବା ଅଭିଯୋଗ ହୋଇଛି। ଅଭିଯୋଗ ପରେ ସୁନ୍ଦରଗଡ଼ ଟାଉନ ଥାନା ପୋଲିସ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ ଥାନାରେ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛନ୍ତି।