ନକଲି ଆରଟିଓ ସାଜି ବଟି ଆଦାୟ କରୁଥିଲେ ସୁନ୍ଦରଗଡ଼ ବିଜେପି ସାଂସଦ ଜୁଏଲ ଓରାମଙ୍କ ସହଯୋଗୀ
1 min read
ସୁନ୍ଦରଗଡ଼ : ନକଲି ଆରଟିଓ ସାଜି ବଟି ଆଦାୟ କରୁଥିଲେ ସୁନ୍ଦରଗଡ଼ ବିଜେପି ସାଂସଦ ଜୁଏଲ ଓରାମଙ୍କ ସହଯୋଗୀ । ଓଡ଼ିଶା-ଛତିଶଗଡ଼ ସୀମାରେ ଟ୍ରକ ଗୁଡ଼ିକରୁ ବଟି ଆଦାୟ କରୁଥିବା ବେଳେ ଜୁଏଲଙ୍କ ସହଯୋଗୀଙ୍କ ସମେତ ତିନି ଜଣଙ୍କୁ ଗିରଫ କରିଛି ଝାଡ଼ଖଣ୍ଡ ପୋଲିସ । ଗିରଫ ଅଭିଯୁକ୍ତ ହେଲେ ସୁନ୍ଦରଗଡ଼ର ଜୟପ୍ରକାଶ ଗୁପ୍ତା ଏବଂ ଅନୁଗୁଳର ଟୁଟୁ ଦେହୁରୀ ଓ ପ୍ରବୀଣ ପ୍ରଧାନ । ଜୟପ୍ରକାଶ ଗୁପ୍ତା ହେଉଛନ୍ତି ବିଜେପି ସାଂସଦ ଜୁଏଲ ଓରାମଙ୍କ ସହଯୋଗୀ । କୁନାଲ ଟ୍ରାନ୍ସପୋର୍ଟ ନାଁରେ ଜୟପ୍ରକାଶର ଗୋଟିଏ ଟ୍ରାନ୍ସପୋର୍ଟ ସଂସ୍ଥା ରହିଛି । ଓଡିଶା-ଝାଡଖଣ୍ଡ ସୀମା ସିମଡେଗା-କୁତ୍ରା ରାସ୍ତାରେ ଏମାନେ ବଟି ଆଦାୟ କରୁଥିଲେ । ବିଭିନ୍ନ ଗାଡିକୁ ଅଟାକାଇ ଯାଞ୍ଚ ବାହାନାରେ ବଟି ଆଦାୟ କରୁଥିଲେ । ଅଭିଯୁକ୍ତ ବ୍ୟବହାର କରୁଥିବା ଇନୋଭାକୁ ମଧ୍ୟ ପୋଲିସ ଜବତ କରିଛି । ଗୁରୁତ୍ବପୂର୍ଣ୍ଣ କାଗଜପତ୍ର ଜବତ କରି ପୋଲିସ ତଦନ୍ତ ଜାରି ରଖିଛି । ରାକେଟରେ ଆଉ କେଉଁମାନେ ସଂପୃକ୍ତ ସେନେଇ ଛାନବିନ କରାଯାଉଛି । ଜୟପ୍ରକାଶ ପଛରେ ବିଜେପି ସାଂସଦଙ୍କର ଅଭୟହାତ ଥିବା ଚର୍ଚ୍ଚା ହେଉଛି ।
