ବ୍ୟାଙ୍କ ଲୁଟିବାକୁ ଯାଇ ପୋଲିସ ପୁଅ ଗିରଫ

ରାଉରକେଲା: ବାପା ପୋଲିସ, ପୁଅ ଲୁଟେରା ! ସୁନ୍ଦରଗଡ଼ ଏକ୍ସିସ୍ ବ୍ୟାଙ୍କରୁ ୧୫ ଲକ୍ଷ ଲୁଟ୍ ଘଟଣାରେ ପୋଲିସକୁ ସଫଳତା ମିଳିଛି । ଲୁଟର କିଛି ସମୟ ମଧ୍ୟରେ ସମସ୍ତ ଟଙ୍କା ଜବତ କରିଛି ପୋଲିସ । ବ୍ୟାଙ୍କ ଲୁଟ୍ କରିଥିବା ଅଭିଯୁକ୍ତକୁ ପୋଲିସ ଗିରଫ କରିଛି । ସୂଚନା ଅନୁସାରେ, ଗିରଫ ଲୁଟେରା ଜଣଙ୍କ ଜଣେ ଏଏସ୍ଆଇଙ୍କ ପୁଅ । ଅଭିଯୁକ୍ତ ବାପାଙ୍କ ବନ୍ଧୁକ ଦେଖାଇ ବ୍ୟାଙ୍କରୁ ୧୫ ଲକ୍ଷ ଟଙ୍କା ଲୁଟ୍ କରିଥିବା ଅଭିଯୋଗ ହୋଇଛି ।

ଏକ୍ସିସ୍ ବ୍ୟାଙ୍କରୁ ଲୁଟ୍ ସୂଚନା ପାଇ ପୋଲିସ ତତକ୍ଷଣାତ୍ ପହଞ୍ଚି ଥିଲା । ଅଭିଯୁକ୍ତ ଲୁଟେରା ପୋଲିସ ଉପରକୁ ପ୍ରଥମେ ଫାୟାରିଂ କରି ଖସିବାକୁ ଉଦ୍ୟମ କରିଥିଲା । ପୋଲିସର ପାଲଟା ଗୁଳିରେ ଅଭିଯୁକ୍ତ ଆହାତ ହୋଇଛି । ଅଭିଯୁକ୍ତକୁ ମେଡିକାଲରେ ଭର୍ତ୍ତି କରାଯାଇଛି । ତେବେ ଅଭିଯୁକ୍ତ ବାପାଙ୍କ ସର୍ଭିସ୍ ରିଭରବଲ୍ ଲୁଟରେ ବ୍ୟବହାର କରିଥିବା ଅଭିଯୋଗ ହେଉଛି । ଏନେଇ ତଦନ୍ତ କରାଯାଉଥିବା ସୂଚନା ଦେଇଛନ୍ତି ସୁନ୍ଦରଗଡ଼ ଏସପି ସାଗରିକା ନାଥ ।