ଅତିରିକ୍ତ ତହସିଲଦାରଙ୍କ ଅମାପ ସମ୍ପତ୍ତି, ପୁଳା ପୁଳା ପ୍ଲଟ୍ର ଟେର୍ ପାଇଲା ଭିଜିଲାନ୍ସ
1 min read
ସୁନ୍ଦରଗଡ଼: ଅତିରିକ୍ତ ତହସିଲଦାରଙ୍କ ଅମାପ ସମ୍ପତ୍ତି । ସୁନ୍ଦରଗଡ଼ ଟାଙ୍ଗରପାଲି ଅତିରିକ୍ତ ତହସିଲଦାର କୁଳମଣି ପଟେଲଙ୍କ ପୁଳା ପୁଳା ପ୍ଲଟ୍ର ଟେର୍ ପାଇଛି ଭିଜିଲାନ୍ସ । ସୁନ୍ଦରଗଡ଼ର ପ୍ରାଇମ ଏରିଆରେ ରହିଛି ମୋଟ୍ ୨୧ଟି ପ୍ଲଟ୍, ୨ଟି ବହୁତଳ କୋଠା ଓ ୪ଟି ଘର । କେବଳ ଏତିକି ନୁହେଁ, ୨ଟି ଚାରି ଚକିଆ ଯାନ, ୨ଟି ଟ୍ରାକ୍ଟର, ୩ଟି ଦୁଇ ଚକିଆ ଯାନ ଠାବ ହୋଇଛି ।
ଲେଫ୍ରିପଡ଼ାରେ ୪ ହଜାର ୮୯୯ ବର୍ଗଫୁଟରେ ୩ ମହଲା କୋଠା ୨୦୨୧-୨୨ରେ ନିର୍ମିତ ହୋଇଛି । ସେହିପରି ସୁନ୍ଦରଗଡ଼ ଟାଉନରେ ୩ ହଜାର ବର୍ଫୁଟରେ ରହିଛି ୨ ମହଲା କୋଠା । ଲେଫ୍ରିପଡ଼ାରେ ୪୫୦ ବର୍ଗଫୁଟରେ ଗୋଟିଏ ଓ ୧୨୫୦ ବର୍ଗଫୁଟରେ ୨ଟି ଘର ରହିଛି । ସୁନ୍ଦରଗଡ଼ର ବିଭିନ୍ନ ମୌଜାରେ ରହିଛି ୭ଟି ଜମି । ଜମାଟଙ୍କା ଓ ବୀମା ନେଇ ଯାଞ୍ଚ ଚାଲିଥିବା ଭିଜିଲାନ୍ସ ପକ୍ଷରୁ ସୂଚନା ମିଳିଛି । ସୁନ୍ଦରଗଡ଼ ଟାଙ୍ଗରପାଲି ଅତିରିକ୍ତ ତହସିଲଦାର କୁଳମଣି ପଟେଲଙ୍କ ବିରୋଧରେ ଆୟ ବହର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏକକାଳୀନ ୮ଟି ସ୍ଥାନରେ ରେଡ୍ କରିଛି ଭିଜିଲାନ୍ସ । ଚଢ଼ାଉ ବେଳେ ଘରୁ ନଗଦ ଟଙ୍କା ମଧ୍ୟ ଜବତ ହୋଇଛି ।
