ସୁନ୍ଦରଗଡ଼: ସୁନ୍ଦରଗଡ଼ ହେମଗିରି ବ୍ଲକ ବେଦାନ୍ତ ଜାମକାନି କୋଇଲା ଖଣି ପ୍ରକଳ୍ପରେ ପୋଲିସ-ଆନ୍ଦୋଳନକାରୀ ମୁହାଁମୁହିଁ । ଆନ୍ଦୋଳନକାରୀଙ୍କୁ ପୋଲିସ ଉଠାଇନେବାକୁ ପ୍ରୟାସ ବେଳେ ଉତ୍ତେଜନା । ଥଇଥାନ ଦାବି ନେଇ ଗତ ୧୦ ଦିନ ହେଲା ଖଣି ପ୍ରଭାବିତ ୪ଟି ଗାଁର ଲୋକମାନେ ଆନ୍ଦୋଳନରେ ବସିଥିଲେ। ୧୮ ବର୍ଷରୁ ଅଧିକ ପୁଅ ଝିଅଙ୍କୁ ବେଦାନ୍ତରେ ପ୍ରତ୍ଯକ୍ଷ ନିଯୁକ୍ତି, ନହେଲେ ଚାକିରି ବାବଦକୁ ଏକକାଳୀନ ୧୭.୫ ଲକ୍ଷ ଟଙ୍କା, ନୂଆ ଘରକୁ ସର୍ବେକ୍ଷଣରେ ସ୍ଥାନ ଦେଇ କ୍ଷତିପୂରଣ, ଭୂମିହୀନଙ୍କୁ ଚିହ୍ନଟ କରି ଉପଯୁକ୍ତ ଥଇଥାନ ସୁବିଧା, ଗାଁଗୁଡ଼ିକ ବିସ୍ଥାପିତ ନହେବା ବା ସମସ୍ତଙ୍କୁ ପୁନଃର୍ବାସ ସୁବିଧା ନମିଳିବା ପର୍ଯ୍ୟନ୍ତ ଖଣି ଖନନ ବନ୍ଦ, ମେଣ୍ଡ୍ରା ଥଇଥାନ ଓ ପୁନଃର୍ବାସ କଲୋନିର ଜମି ପଟ୍ଟା ପ୍ରଦାନ ଦାବିରେ ଜୁନ୍ ୧୪ରୁ ବିସ୍ଥାପିତ ଆନ୍ଦୋଳନରେ ବସିଛନ୍ତି । ଏହାଦ୍ବାରା ଖଣି ଉତ୍ତୋଳନ ଏବଂ ପରିବହନ କାର୍ଯ୍ୟ ।
ଆଜି ପୋଲିସ ଆନ୍ଦୋଳନକାରୀଙ୍କୁ ଉଠାଇବାକୁ ପ୍ରୟାସ ବେଳେ ଦେଖାଦେଇଛି ଉତ୍ତେଜନା । ଘଟଣାସ୍ଥଳରେ ୩ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି ।
