ସୁନ୍ଦରଗଡ଼ : ସୁନ୍ଦରଗଡ଼ ହେମଗିରି ଥାନା କନିକା ସ୍ଥିତ ଆର୍ଯ୍ୟନ କୋଲ ୱାସେରୀର ବିଭିନ୍ନ ଠିକଣାରେ ଚଢ଼ାଉ । ହଜାର ହଜାର ଟନ ବେଆଇନ କୋଇଲା ଗଚ୍ଛିତ ଥିବାର ସୂଚନା ପାଇ ଚଢାଉ ହୋଇଛି। ଜିଲ୍ଲା ପ୍ରଶାସନର ରାଜସ୍ବ ବିଭାଗ ଏବଂ ପୋଲିସର ଚଢ଼ାଉ ପରେ ଖଣି ବିଭାଗର ମଧ୍ୟ ଚଢ଼ାଉ ଜାରି ରହିଛି। କମ୍ପାନୀ ପାଚେରୀରୁ ଦୁଇ କିଲୋମିଟର ଜଙ୍ଗଲରେ ହଜାର ହଜାର ଟନ କୋଇଲା ରହିଛି। ପାଚେରୀ ଠାରୁ ଦୂରରେ ଆଉ ଏକ ଠିକଣାରେ ହଜାର ହଜାର ଟନ ବିଶୋଧିତ କୋଇଲା ଗଚ୍ଛିତ ଥିବା ଜଣାପଡିଛି। ପାଖାପାଖି ୧୦ ହଜାର ଟନ ବେଆଇନ କଞ୍ଚା କୋଇଲା ଜବତ ନେଇ ସୂଚନା ଦେଇଛନ୍ତି କନିଷ୍ଠ ଖଣି ଅଧିକାରୀ ମଙ୍ଗଳ ଚରଣ ହେମ୍ବ୍ରମ । ଆସନ୍ତାକାଲି ଅନ୍ୟ ସ୍ଥାନରେ ଥିବା କୋଇଲାର ଆକଳନ କରାଯିବ।
