ସୁନ୍ଦରଗଡ଼଼: ମହଙ୍ଗା ପଡିଲା ମାଡ ମାରିବା । ସୁନ୍ଦରଗଡ଼଼ ହାତୀବାରି ଥାନା ଏଏସଆଇ ସୁଶାନ୍ତ ପାତ୍ରଙ୍କୁ ବଦଳି କରିଛନ୍ତି ପଶ୍ଚିମାଞ୍ଚଳ ପୋଲିସ ଡିଆଇଜି । ଏନେଇ ସୂଚନା ଦେଇଛନ୍ତି ବୀରମିତ୍ରପୁର ଏସଡିପିଓ । ସୁନ୍ଦରଗଡ଼ ଜିଲ୍ଲା ହାତିଵାରୀ ଥାନାରେ ଜଣେ ଯୁବକଙ୍କୁ ମାଡ ମରାଯିଵା ସହ ନିର୍ଯାତନା ଦିଆଯାଇଥିବା ଅଭିଯୋଗ । ହାତୀବାରି ଅଞ୍ଚଳର ଆଦିତ୍ୟ ମିଶ୍ରଙ୍କୁ ପୋଲିସ ଏଏସଆଇ ସୁଶାନ୍ତ ପାତ୍ର ମାଡ ମାରିବା ନେଇ ଅଭିଯୋଗ ହୋଇଥିଲା । ଗତ ୧୮ ତାରିଖ ରାତିରେ ଏକ ଦୁର୍ଘଟଣାକୁ କେନ୍ଦ୍ର କରି ସାଧା ପୋଷାକରେ ଥିବା ଏଏସଆଇ ଶୁଶାନ୍ତ ପାତ୍ରଙ୍କୁ ଆଦିତ୍ୟ ମିଶ୍ର ଧକ୍କା ମାରିଥିଲେ।ଏହି ଘଟଣାରେ ଉତ୍ତ୍ୟକ୍ତ ହୋଇ ଏଏସଆଇ ସୁଶାନ୍ତ ପାତ୍ର ଆଦିତ୍ୟ ମିଶ୍ରଙ୍କୁ ଥାନାକୁ ନେଇ ମାଡ ମାରିଵା ସହ ନିର୍ଯାତନା ଦେଇଥିବା ଆଦିତ୍ୟ ମିଶ୍ର ଅଭିଯୋଗ କରିଥିଲେ ।
