ସୁନ୍ଦରଗଡ଼କୁ ବିକାଶର ସ୍ବପ୍ନ ଦେଖାଇ ପ୍ରତାରଣା କରିଛି ଡବଲ ଇଞ୍ଜିନ ସରକାର

ରାଉରକେଲା : ସୁନ୍ଦରଗଡ଼ ଜିଲ୍ଲାକୁ ଅଣଦେଖା । ରାଜ୍ଯ ବଜେଟରେ ଚରମ ଅବହେଳା । ବିକାଶର ସ୍ବପ୍ନ ଦେଖାଇ ପ୍ରତାରଣା କରିଥିବା ଅଭିଯୋଗ । ଜିଲ୍ଲାକୁ କେନ୍ଦ୍ର ଶାସିତ ଅଞ୍ଚଳ ଘୋଷଣା ପାଇଁ ବିଭିନ୍ନ ମହଲରୁ ଦାବି । ରାଜ୍ୟରେ ଡବଲ ଇଞ୍ଜିନ ସରକାର ଆସିବା ପରେ ଜିଲ୍ଲାଵାସୀ ଓ ରାଉରକେଲାବାସୀଙ୍କ ବିକାଶ ପାଇଁ ଦେଖାଇଥିଲେ ଅନେକ ସ୍ବପ୍ନ । ହେଲେ ଚଳିତ ବଜେଟରେ ଏହା ପ୍ରତାରଣାରେ ପରିଣତ ହୋଇଛି । ଶିକ୍ଷା, ସ୍ଵାସ୍ଥ୍ୟ, ଶିଳ୍ଲ, ପର୍ଯ୍ୟଟକ, ଆଇଟି, ସଵୁ କ୍ଷେତ୍ରରେ ଜିଲ୍ଲାକୁ ଅବହେଳା କରାଯାଇଥିବା ଅଭିଯୋଗ କରିଛି ସଚେତନ ନାଗରିକ ମଞ୍ଚ । ଜିଲ୍ଲାର ବିକାଶ ପାଇଁ ରାଜ୍ଯ ବିଜେପି ସରକାରର ଇଛାଶକ୍ତି ଅଭାବ ଥିବା ଏଥିରୁ ସ୍ପଷ୍ଟ ହୋଇଥିବା ମଞ୍ଚ ଅଭିଯୋଗ କରିଛି ।

ସୁନ୍ଦରଗଡ଼ ଜିଲ୍ଲାରେ ଵହୁ ଐତିହ୍ୟ, ଧାର୍ମିକ ସ୍ଥାନ, ମନ୍ଦିର ଓ ପର୍ଯ୍ୟଟନସ୍ଥଳୀ ଥିଲେ ମଧ୍ୟ ଏହାର ବିକାଶ କରିବା ପାଇଁ ରାଜ୍ୟ ବଜେଟରେ ଅର୍ଥ ଵ୍ୟଵସ୍ଥା କରାଯାଇ ନାହିଁ । ସହରରେ ୟୁନିଭରସିଟି ସହିତ ଟ୍ରାଇଵାଲ ୟୁନିଭରସିଟି କରିବା ପାଇଁ ଜିଲ୍ଲାବାସୀ ଆଶା ରଖିଥିଲେ । ସହର ସମ୍ଵୃଦ୍ଧି ଯୋଜନାରେ ରାଜ୍ୟର ଦ୍ବିତୀୟ ସ୍ମାର୍ଟ ସିଟି । ବେଦବ୍ୟାସ ତିର୍ଥସ୍ଥାନ, ଵିଜୁ ପଟ୍ଟନାୟକ ୟୁନିଭରସିଟି ଅଫ ଟେକ୍ନୋଲୋଜି ପାଇଁ ନାହିଁ ପ୍ରାବଧାନ। ରାଉରକେଲାକୁ ଶିଳ୍ପ କରିଡର କରି ଆଇଟି, ସଫ୍ଟୱେର ଓ ଆଇଟି ପାର୍କ କରିବା ପାଇଁ ଘୋଷଣା ହୋଇଥିଲେ ସୁଦ୍ଧା ପ୍ରତାରଣା କରାଯାଇଥିବା ଅଭିଯୋଗ କରିଛନ୍ତି ବିଭିନ୍ନ ଗଣ ସଙ୍ଗଠନ, ସାମାଜିକ ସଂଗଠନ, ବୁଦ୍ଧିଜୀବୀ ଓ ସୁନ୍ଦରଗଡ଼ ଜିଲ୍ଲାବାସୀ । ନିର୍ବାଚନରେ ମିଥ୍ୟା ପ୍ରତିଶୃତି ଦେଇ ଡବଲ ଇଞ୍ଜିନ ସରକାର କ୍ଷମତାକୁ ଆସିବା ପରେ ଧୋକ୍କା ଦେଇଥିବା କହିଛନ୍ତି ଜିଲ୍ଲାବାସୀ ।