ତ୍ରିକୋଣୀୟ ପ୍ରେମରୁ ବୀଭତ୍ସ ହତ୍ୟା : ଯୁବକର ଛୁରା ମାଡ଼ରେ ପ୍ରେମୀଯୁଗଳଙ୍କର ମୃତ୍ଯୁ

ସୁନ୍ଦରଗଡ଼ :  ତ୍ରିକୋଣୀୟ ପ୍ରେମରୁ ବୀଭତ୍ସ ହତ୍ୟା । ସୁନ୍ଦରଗଡ଼ ଜିଲ୍ଲା କୁତ୍ରା ଥାନା କାଶୀପଡାରେ ହୋଇଛି ଡବଲ ମର୍ଡର । ଯୁବକର ଛୁରା ମାଡ଼ରେ ପ୍ରେମୀଯୁଗଳଙ୍କର ମୃତ୍ଯୁ ହୋଇଛି । ମୃତକ ରାଜଗାଙ୍ଗପୁର ରୁମାବାହାଲ ଗାଁର ପ୍ରତାପ ଲାକ୍ରା ଓ କାଶୀପଡା ଗାଁର ଲିପ୍ସା କେର୍କେଟା । ଅଭିଯୋଗ ଅନୁସାରେ ପ୍ରତାପ ଓ ଲିପ୍ସାଙ୍କ ମଧ୍ଯରେ ପ୍ରେମ ସମ୍ପର୍କ ରହିଥିଲା । କିନ୍ତୁ ଲିପ୍ସାଙ୍କୁ ସେହି ଗାଁର ରାଜୁ ନାଗ ନାମକ ଜଣେ ଯୁବକ ଏକତରଫା ପ୍ରେମ କରୁଥିଲେ । ଗତକାଲି ରାତିରେ ପ୍ରତାପ ଲିପ୍ସାଙ୍କ ଘରେଥିବା ସମୟରେ ଅଭିଯୁକ୍ତ ରାଜୁ ଘରେ ପଶି ଆକ୍ରମଣ କରିଥିଲା । ଛୁରିରେ ଉଭୟ ପ୍ରତାପ ଓ ଲିପ୍ସାଙ୍କୁ ଆକ୍ରମଣ କରିଥିଲା । ଘଟଣାସ୍ଥଳରେ ଉଭୟଙ୍କର ମୃତ୍ଯୁ ହୋଇଛି । ଅଭିଯୁକ୍ତ ଫେରାର ହୋଇଯାଇଥିବାବେଳେ ପୋଲିସ ମୃତଦେହକୁ ଉଦ୍ଧାର କରି ତଦନ୍ତ କରୁଛି ।