ମେଡିକାଲ କଲେଜରେ ଡାକ୍ତରଙ୍କୁ ମାଡ଼ ଅଭିଯୋଗ

ସୁନ୍ଦରଗଡ଼ : ସୁନ୍ଦରଗଡ଼ ମେଡିକାଲ କଲେଜରେ ଡାକ୍ତରଙ୍କୁ ମାଡ଼ ଅଭିଯୋଗ । କାଜୁଏଲ୍ଟି ଡ୍ୟୁଟିରେ ଥିବା ଜଣେ ଡାକ୍ତରଙ୍କୁ ରୋଗୀଙ୍କ ସମ୍ପର୍କୀୟ ମାଡ଼ ମାରିଥିବା ଅଭିଯୋଗ ହୋଇଛି । ଫଳରେ ଡାକ୍ତରମାନେ ରାତିରେ ସାମୁହିକ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି । ଓପିଡ଼ି ଓ ଏମରଜେନ୍ସି ସେବା ବନ୍ଦ କରିଦେଇଥିଲେ ଡାକ୍ତର ଓ ଛାତ୍ର । କିଞ୍ଜିରକେଲା ଅଞ୍ଚଳର ଦୁଇଜଣ ଯୁବକ ଜଣେ ରୋଗୀଙ୍କୁ ମେଡିକାଲକୁ ଆଣିଥିଲେ । ସେଠାରେ ଅସ୍ଥିଶଲ୍ୟ ଚିକିତ୍ସକ ନଥିବାରୁ ଡ୍ୟୁଟିରେ ଥିବା ଅନ୍ୟଜଣେ ଡାକ୍ତରଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି । ଫଳରେ ମେଡିକାଲରେ କିଛି ସମୟ ପାଇଁ ଉତ୍ତେଜନା ପ୍ରକାଶ ପାଇଥିଲା। ସେଠାରେ ଅତିରିକ୍ତ ଏସପି ଏବଂ ପୁଲିସ ପହଞ୍ଚି ଆଗକୁ ଡାକ୍ତର ମାନଙ୍କ ସୁରକ୍ଷା ଦାୟିତ୍ବ ନିଆଯିବ ବୋଲି ପ୍ରତିଶୃତି ଦେଲା ପରେ ସ୍ଥିତି ସ୍ୱାଭାବିକ ହୋଇଥିଲା ।