କର୍ମୀଙ୍କ ପରେ ବିଜେପି ବିଧାୟିକାଙ୍କ ଗୁଣ୍ଡାଗିରି, ଥାନାରେ ଆଇଆଇସସିଙ୍କୁ ପକାଇଲେ ତାଲା !
ରାଉରକେଲା: ପୁଣି ସାମ୍ନାକୁ ଆସିଲା ବିଜେପି ନେତାଙ୍କ ଦାଦାଗିରି । ଏଥର କର୍ମୀ ନୁହଁନ୍ତି ଖୋଦ୍ ଦଳର ବିଧାୟିକାଙ୍କ ଗୁଣ୍ଡାଗିରି ଦେଖିବାକୁ ମିଳିଛି । ତାହା ପୁଣି ଥାନା ଭିତରେ । ସୁନ୍ଦରଗଡ଼ ବିଜେପି ବିଧାୟିକା କୁସୁମ ଟେଟେ ଭଷ୍ମା ଥାନା ଭିତରେ ପଶି ଗିରଫ ହୋଇଥିବା ବିଜେପି କର୍ମୀଙ୍କୁ ଛାଡ଼ିବାକୁ ହଙ୍ଗାମା କରିଛନ୍ତି । ଅଭିଯୋଗ ଅନୁସାରେ ୩ଜଣ ବିଜେପି କର୍ମୀଙ୍କ ବିରୋଧରେ ଜାମିନ ବିହୀନ ପରୱାନାରେ ଗିରଫ କରିଥିଲା ଭଷ୍ମା ଥାନା ପୋଲିସ ।
ତେବେ ସେମାନଙ୍କୁ ଛଡ଼ାଇ ନେବା ପାଇଁ ସମର୍ଥକଙ୍କ ସହିତ ଥାନାକୁ ଆସି ହଙ୍ଗାମା କରିଛନ୍ତି ବିଧାୟିକା କୁସୁମ ଟେଟେ । ଆଇଆଇସିଙ୍କ କବାଟରେ ତାଲା ପକାଇବାକୁ ଉଦ୍ୟମ କରିବା ସହିତ ପୋଲିସ ସହ ଯୁକ୍ତିତର୍କ କରିଥିଲେ କୁସୁମ । ଏଥିସହ ପୋଲିସକୁ ସେ ଧମକ ମଧ୍ୟ ଦେଇଥିବା ଅଭିଯୋଗ ହୋଇଛି । ତେବେ ବିଜେପିର ଜଣେ ପରେ ଜଣେ ନେତାଙ୍କ ଏଭଳି ଗୁଣ୍ଡାଗିରି ଚିତ୍ର ସାମ୍ନାକୁ ଆସିବା ପରେ ଦଳର ଚରିତ୍ର ସ୍ପଷ୍ଟ ହୋଇଛି ।
