ସୁନା ବେଶରେ ଶ୍ରୀଜିଉ, ଦର୍ଶନ କଲେ ଲକ୍ଷାଧିକ ଶ୍ରଦ୍ଧାଳୁ…

ପୁରୀ: ପବିତ୍ର ରାସ ପୂର୍ଣ୍ଣିମା ଅବସରରେ ଶ୍ରୀକ୍ଷେତ୍ର ପୁରୀରେ ଶ୍ରୀଜିଉଙ୍କ ‘ରାଜରାଜେଶ୍ୱର’ ବେଶ ବା ସୁନାବେଶ ଅନୁଷ୍ଠିତ ହୋଇଯାଇଛି । ସ୍ୱର୍ଣ୍ଣ ବିଭୁଷଣ ଶ୍ରୀଜିଉଙ୍କୁ ଦର୍ଶନ କରି ଅଶେଷ ପୂଣ୍ୟ ଲଭିଛନ୍ତି ଶ୍ରଦ୍ଧାଳୁ । ଗତରାତିରୁ ପହୁଡ଼ ଓ ଦ୍ୱାରଫିଟା ନୀତି ଶେଷ ହେବା ପରେ ୩ଟାରୁ ଦର୍ଶନ ବ୍ୟବସ୍ଥା ହୋଇଥିଲା । ଭିଡ଼କୁ ଦୃଷ୍ଟିରେ ରଖି ସିଂହଦ୍ୱାରରେ ପ୍ରବେଶ ସହ ଅନ୍ୟ ୩ ଦ୍ୱାରରେ ପ୍ରସ୍ଥାନ କରିଥିଲେ ଭକ୍ତ ।

କାର୍ତ୍ତିକ ପୂର୍ଣ୍ଣିମା ପାଇଁ ପ୍ରବଳ ଭକ୍ତ ସମାଗମକୁ ଦୃଷ୍ଟିରେ ରଖି ୪୦ ପ୍ଲାଟୁନ ଫୋର୍ସ ଓ ପୋଲିସ ଅଧିକାରୀଙ୍କୁ ନିୟୋଜିତ କରାଯାଇଥିଲା । ଶ୍ରୀମନ୍ଦିର ଭିତରେ ଓ ବାହରେ ୫ ଜଣ ଏଏସପି, ୧୭ ଜଣ ଡିଏସପି, ୩୨ ଜଣ ଇନ୍ସିପେକ୍ଟର ଓ ୧୫୦ ଜଣ ଏସ୍‌ଆଇଙ୍କୁ ମୁତୟନ କାରଯାଇଥିଲା । ପଞ୍ଚତୀର୍ଥ ପୁଷ୍କରିଣୀ ଓ ନରେନ୍ଦ୍ର ପୁଷ୍କରିଣୀଠାରେ ସୁରକ୍ଷିତ ସ୍ନାନ ଉପରେ ମଧ୍ୟ ନଜର ରଖିଥିଲା ପ୍ରଶାସନ ।

ତେବେ ବିଧି ମୁତାବକ ଶ୍ରୀଜିଉଙ୍କ ବର୍ଷକୁ ୫ ଥର ସୁନାବେଶ ଅନୁଷ୍ଠିତ ହୋଇଥାଏ । ମାଘ ପୂର୍ଣ୍ଣିମା, ବାହୁଡ଼ା ଏକାଦଶୀ, ବିଜୟା ଦଶମୀ, କାର୍ତ୍ତିକ ପୂର୍ଣ୍ଣିମା ଏବଂ ପୌଷ ପୂର୍ଣ୍ଣିମା । ରଥରେ ସୁନାବେଶରେ ଠାକୁରଙ୍କୁ ଦର୍ଶନ କରିପାରି ନଥିବା ଭକ୍ତ ଅନ୍ୟ ୪ ଦିନରେ ଦର୍ଶନ ପାଇବାକୁ ଚାହିଁ ବସିଥାଏ । ଏହି ଦୁର୍ଲଭ ବା ରାଜରାଜେଶ୍ୱର ବେଶରେ ଦର୍ଶନ କଲେ କୋଟି ଜନ୍ମର ପୂଣ୍ୟ ମିଳିଥାଏ ବୋଲି ବିଶ୍ୱାସ ରହିଛି । ଏଥିପାଇଁ ସୁନାବେଶର ଦର୍ଶନ ପାଇବା ପାଇଁ ପୂର୍ବ ରାତିରୁ ଲମ୍ବା ଲାଇନରେ ଥିଲେ ଭକ୍ତ ଓ ଶ୍ରଦ୍ଧାଳୁ ।

ଅନ୍ୟପଟେ କାର୍ତ୍ତିକ ପୂର୍ଣ୍ଣିମା ଥିବାରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।

')}