ସୁମିତ-ଡିମ୍ପଲ ବିବାଦ: ଫିଟିଲାନି ସମାଧାରନ ବାଟ

ବ୍ରହ୍ମପୁର: ଡାକ୍ତର ଦମ୍ପତି ସୁମିତ-ଡିମ୍ପଲଙ୍କ ମଧ୍ୟରେ ଆପୋଷ ବୁଝାମଣା ପରେ ବି ଫିଟିଲାନି ସମାଧାନର ବାଟ । ଉଭୟଙ୍କ ମଧ୍ୟରେ ଆପୋସ ଆଲୋଚନା ପାଇଁ ନିର୍ଦ୍ଦେଶ ଦେଇଥିଲେ ହାଇକୋର୍ଟ । ଏନେଇ ହାଇକୋର୍ଟଙ୍କ ମଧ୍ୟସ୍ଥ କେନ୍ଦ୍ରରେ ଉଭୟ ହାଜର ହୋଇଥିଲେ । ହାଇକୋର୍ଟଙ୍କ ଦ୍ଵାରା ନିଯୁକ୍ତ କାଉନସିଲରଙ୍କ ଉପସ୍ଥିତିରେ ଉଭୟଙ୍କ ମଧ୍ୟରେ ଆଲୋଚନା ହୋଇଥିଲା । ପ୍ରଥମ ଦିନ ପ୍ରାୟ ତିନି ଘଣ୍ଟା ଏବଂ ଆଜି ଅଢେଇ ଘଣ୍ଟା ଧରି ଉଭୟଙ୍କ ମଧ୍ୟରେ ଆଲୋଚନା ହୋଇଥିଲା । ହେଲେ ଏଥିରେ କୌଣସି ସୁଫଳ ମିଳିନଥିବା ସୂଚନା ରହିଛି । ୧୩ ତାରିଖରେ ହାଇକୋର୍ଟରେ ହେବ ମାମଲାର ପରବର୍ତ୍ତୀ ଶୁଣାଣି । ଏଥିରେ ଆଲୋଚନା କେନ୍ଦ୍ରର ସମସ୍ତ ବିବରଣୀ ଦାଖଲ କରାଯିବ ।