ଗୋଆ ଡେଥ୍ ମିଷ୍ଟ୍ରିରେ ବଢୁଛି ସସପେନ୍ସ, ହତ୍ୟା ଅଭିଯୋଗକୁ ମାଆଙ୍କ ଖଣ୍ଡନ

ପାଣାଜୀ: କେତେ ସତ କହୁଛନ୍ତି ସୂଚନା । ଜନ୍ମ କଲା ସନ୍ତାନକୁ ମା’ କାହିଁକି କଲେ ହତ୍ୟା । ହତ୍ୟା ପଛରେ କଣ ରହିଛି ରହସ୍ୟ । ଏସବୁର ତନାଘନା କରୁଛି ଗୋଆ ପୋଲିସ୍ । ଆଜି ପୁଣି ସୂଚନାଙ୍କୁ ଗୋଆ ପୋଲିସ ପଚରାଉଚରା କରିବ । ହତ୍ୟା ନା ଅନ୍ୟ କୌଣସି କାରଣରୁ ଶିଶୁର ହୋଇଛି ମୃତ୍ୟୁ ? ଅଭିଯୁକ୍ତ ମା ସୁଚନା ସେଠଙ୍କ ବିବୃତିକୁ ନେଇ ବଢୁଛି ସସପେନସ । ସେ ସନ୍ତାନକୁ ହତ୍ୟା କରିନାହାନ୍ତି ବୋଲି କହିଥିବା ପୋଲିସ କହିଛି ।

ତେଣେ ହୋଟେଲରୁ ୨ଟି ଖାଲି କଫ ସିରପ ବୋତଲ ଜବତ ହେବାକୁ ନେଇ ଉଠିଛି ପ୍ରଶ୍ନ । ଯଦି ହତ୍ୟା ନୁହେଁ ତେବେ ସମ୍ଭବତଃ ଅଧିକ କଫସିରପ ଦିଆଯାଇଥିବାରୁ ଶିଶୁର ମୃତ୍ୟୁ ହୋଇଥିବା ଅନୁମାନ କରାଯାଉଛି । ୪ ବର୍ଷର ପୁଅକୁ ମାରିବା ଲାଗି ସେ ତକିଆ କିମ୍ବା ଟାଓ୍ବେଲ ବ୍ୟବହାର କରିଥିଲେ ବୋଲି କହିଛନ୍ତି ଡାକ୍ତର । ପ୍ରତି ରବିବାର ପୁତ୍ରକୁ ଭେଟିବା ଲାଗି ବାପା ଭେଙ୍କଟ ରମଣଙ୍କୁ ଅନୁମତି ଦେଇଥିଲେ କୋର୍ଟ । ତେବେ ଏହାକୁ ନେଇ ଅଶାନ୍ତି ଥିଲେ ସୁଚନା ।