DRDO ଦ୍ୱାରା ବିକଶିତ ଆଣ୍ଟି ଟ୍ୟାଙ୍କ ଗାଇଡେଡ୍ ମିସାଇଲ୍ ସିଷ୍ଟମ ‘ହେଲିନା’ ଓ ‘ଧ୍ରୁବାସ୍ତ୍ର’ର ସଫଳ ପରୀକ୍ଷଣ
ନୂଆଦିଲ୍ଲୀ: ଡିଆରଡିଓ ଦ୍ୱାରା ସ୍ୱଦେଶୀ ଜ୍ଞାନ କୌଶଳରେ ବିକଶିତ ‘ହେଲିନା’ ଓ ‘ଧ୍ରୁବାସ୍ତ୍ର’ର ମିଳିତ ପରୀକ୍ଷଣ କରାଯାଇଛି । ମରୁଭୂମିରେ ଉଭୟ ମିସାଇଲକୁ ଆଡଭାନ୍ସଡ ଲାଇଟ୍ ହେଲିକପ୍ଟରରୁରୁ ପରୀକ୍ଷଣ କରାଯାଇଛି । ‘ହେଲିନା’ (ଆର୍ମି ଭର୍ସନ) ହୋଇଥିବା ବେଳେ ‘ଧ୍ରୁବାସ୍ତ୍ର’ (ଏୟାର ଫୋର୍ସ ଭର୍ସନ) ଅଟେ ।
ଉଭୟ ମିସାଇଲକୁ ନେଇ ୫ ରାଉଣ୍ଡ ପରୀକ୍ଷଣ ସର୍ବନିମ୍ନ ଓ ସର୍ବାଧିକ ରେଞ୍ଜରୁ କରାଯାଇଛି । ମିସାଇଲ୍ ସ୍ଥିର ଓ ଘୂର୍ଣ୍ଣୟମାନ ଲକ୍ଷ୍ୟକୁ ସଫଳତାର ଧ୍ୱଂସ କରିଛି । ଖରାପ ଟ୍ୟାଙ୍କରୁ ମିଶନ ମଧ୍ୟ ସଫଳ ହୋଇଛି । ଉଡ଼ାଣ ହେଲିକପ୍ଟରରୁ ଘୂର୍ଣ୍ଣୟମାନ ଲକ୍ଷ୍ୟକୁ ବିଧ୍ୱଂସ କରିଛି ମିସାଇଲ୍ ।
‘ହେଲିନା’ ଓ ‘ଧ୍ରୁବାସ୍ତ୍ର’ ତୃତୀୟ ଜେନେରସନ୍ ମିସାଇଲ୍ । ଏହି ଆଣ୍ଟି ଟ୍ୟାଙ୍କ ଗାଇଡେଡ୍ ମିସାଇଲକୁ ଡାଇରେକ୍ଟ ହିଟ୍ ମୋଡ୍ ଓ ଟପ୍ ଆଟାକ୍ ମୋଡରେ ଟାର୍ଗେଟକୁ ଧ୍ୱଂସ କରିପାରିବ । ଏହି ସିଷ୍ଟମ ସମସ୍ତ ପ୍ରତିକୂଳ ପାଗ ସହ ଦିନ ଓ ରାତି ସମୟରେ ଶତ୍ରୁର ଟ୍ୟାଙ୍କ ସହ ଲଢ଼ିପାରିବ । ଏହା ବିଶ୍ୱର ପ୍ରମୁଖ ଆଣ୍ଟି ଟ୍ୟାଙ୍କ ଅସ୍ତ୍ରଶସ୍ତ୍ର ।
ମିସାଇଲର ମିଳିତ ସଫଳ ପରୀକ୍ଷଣ ପାଇଁ ଡିଆରଡିଓ, ଆର୍ମି ଓ ବାୟୁସେନାକୁ ଶୁଭେଚ୍ଛା ଜଣାଇଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ପ୍ରତିରକ୍ଷା ସଚିବ ଓ ଡିଆରଡିଓର ଅଧ୍ୟକ୍ଷ ଡକ୍ଟର ସତୀଶ ରେଡ୍ଡୀ ମଧ୍ୟ ପ୍ରଶଂସା କରିଛନ୍ତି ।
