ନବୀନଙ୍କ ଉଦ୍ୟମ ହେଲା ସଫଳ: ବାସୁଦେବପୁର ଏୟାର ଷ୍ଟ୍ରିପରେ ଉଡ଼ିଲା ବିମାନ
ଭଦ୍ରକ: ବାସୁଦେବପୁରରୁ ଉଡିବ ବିମାନ । ଯୋଗାଯୋଗର ସର୍ବଶ୍ରେଷ୍ଠ ମାଧ୍ୟମ ବିମାନ ସେବା ପାଇବେ ସ୍ଥାନୀୟ ବାସିନ୍ଦା । ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ବାରା ଆରମ୍ଭ ହୋଇଥିବା ଉଦ୍ୟମ ଆଜି ଫଳପ୍ରଦ ହୋଇଛି । ଆଦାନୀର ବାଲିମୁଣ୍ଡାର ଠାରେ ନିର୍ମାଣ ହୋଇଥିବା ଏୟାର ଷ୍ଟ୍ରିପରୁ ଆଜି ପ୍ରାଥମିକ ଭାବେ ପରୀକ୍ଷଣ କରାଯାଇଛି । ଭୁବନେଶ୍ବରରୁ ଉଡ଼ିଥିବା ବିମାନ ଏୟାର ଷ୍ଟ୍ରପର ରନୱେର ଲାଗିଛି ।
ଆଦାନୀର ଉପସଭାପତି ମହେନ୍ଦ୍ର ମେକୱାନା ଜାହାଜରୁ ଏଆର ଷ୍ଟ୍ରିପରରେ ଓହ୍ଲାଇଥିଲେ । ପରେ ଆଦାନୀ କମ୍ପାନୀ ପକ୍ଷରୁ ଉପସଭାପତି ମେକୱାନକୁ ପୁଷ୍ପଗୁଛ ଦେଇ ସ୍ୱାଗତ କରାଯାଇଥିଏେ । ପ୍ରଥମ କରି ଏଆର ଷ୍ଟ୍ରିପର ଉଡ଼ାଜାହାଜ ଅବତରଣ ଖବର ପାଇ ଦେଖଣାହାରୀଙ୍କ ଭିଡ ଜମିଥିଲା ।
ଏୟାର ଷ୍ଟ୍ରିପ ପାଇଁ ପୂର୍ବ ସରକାରଙ୍କୁ କମ୍ପାନୀ ମାଗିଥିଲେ ୫୧୦ ଏକର ଜାଗା । ପ୍ରଥମ ପର୍ଯ୍ଯାୟରେ ଯୋଗାଇ ଦିଆଯାଇଛି ୩୧୯ ଏକର ଜାଗା । ୨୦୧୫ ମସିହାରୁ ଆରମ୍ଭ ହୋଇ ଥିଲା ପ୍ରସ୍ଥାବିତ ଏୟାର ଷ୍ଟ୍ରିପ । ଆଜି ଭୁବନେଶ୍ବରରୁ ଆସିଥିବା ବିମାନ ରନୱେର ପରୀକ୍ଷଣ କରାଯାଇଥିଲା । ଉପସ୍ଥିତ ଥିଲେ ଆଦାନୀ କମ୍ପାନୀର ବରିଷ୍ଠ କର୍ମକର୍ତ୍ତା ।
ପୂର୍ବତନ ମୁଖ୍ୟମନ୍ତ୍ରୀଙ୍କ ଉଦ୍ୟମ ଯୋଗୁଁ ଯୋଗାଯୋଗ ସୁଗମ ହେବା ସହ ଶିଳ୍ପ ନଗରୀ ଗଢି ଉଠିବାରେ ସହଜ ହେବ ବୋଲି ବାସୁଦେବପୁର ପୂର୍ବତନ ବିଧାୟକ କହିଛନ୍ତି ।
