ଏଣିକି ହୋମ ଲୋନରେ ମିଳିବ ସବସିଡି !

ନୂଆଦିଲ୍ଲୀ: ଆସିପାରେ ଖୁସି ଖବର । ଏଣିକି ହୋମ ଲୋନରେ ମିଳିପାରେ ସବସିଡି । ୨୦୨୪ ସାଧାରଣ ନିର୍ବାଚନ ପୂର୍ବରୁ ଏଭଳି ଘୋଷଣା ହୋଇପାରେ ବୋଲି କୁହାଯାଉଛି । ତେବେ ଆଜିକାଲି ଘର ତିଆରି କରିବା କିମ୍ବା କେତେ ମହଙ୍ଗା ହୋଇଛି ତାହା ସମସ୍ତଙ୍କୁ ବେଶ ଭଲଭାବେ ଜଣା । ତେବେ ସରକାର ହୋମ ଲୋନରେ ସବସିଡି ଦେଇପାରନ୍ତି । ଏକ ଜାତୀୟ ଗଣମାଧ୍ୟମର ରିପୋର୍ଟ ମୁତାବକ ଆସନ୍ତା ୫ ବର୍ଷ ପାଇଁ ସହରୀ ଗୃହ ପାଇଁ ସବସିଡି ଋଣ ଯୋଗାଇବା ପାଇଁ ସରକାର ୬୦,୦୦୦ କୋଟି ଟଙ୍କା ଖର୍ଚ୍ଚ କରିବାକୁ ଯୋଜନା କରୁଛନ୍ତି ।

୨୦୨୩ ସାଧାରଣ ନିର୍ବାଚନ ପୂର୍ବରୁ ସରକାର ଏହି ଯୋଜନା କାର୍ଯ୍ୟକାରୀ କରିପାରନ୍ତି । ଯେପରିକି କିଛିଦିନ ପୂର୍ବରୁ ଏଲପିଜି ଦରରେ ସବସିଡି ଘୋଷଣା କରିଛନ୍ତି । ତେବେ ହୋମ ଲୋନରେ ସବସିଡି ପାଇଁ ବ୍ୟାଙ୍କମାନଙ୍କ ସହ ମଧ୍ୟ ଆଲୋଚନା ହୋଇପାରେ । ଚଳିତ ସ୍ବାଧିନତା ଦିବସ ଅବସରରେ ପ୍ରଧାନମନ୍ତ୍ରୀ ଏହି ସ୍କିମ ସମ୍ପର୍କରେ ନିଜର ଅଭିଭାଷଣରେ କହିଥିଲେ । କିନ୍ତୁ ଏଯାବତ କୌଣସି ସରକାରୀ ସୂଚନା ମିଳିନାହିଁ । ତେବେ ଏହି ସ୍କିମରେ ଲୋନ ରାଶି ୯ ଲକ୍ଷ କିନ୍ତୁ ୩ରୁ ୬.୫ ପ୍ରତିଶତ ମଧ୍ୟରେ ବାର୍ଷିକ ସବସିଡି ରହିବ । ଋଣ ରାଶି ପ୍ରଦାନ କରାଯିବାର କାର୍ଯ୍ୟକାଳ ୨୦ ବର୍ଷ ରହିଥିବାବେଳେ ୫୦ ଲକ୍ଷରୁ କମ ରହିଛି ଋଣ ରାଶି ।

ଜଣେ ସରକାରୀ ଅଧିକାରୀଙ୍କ ସୂଚନା ଅନୁଯାୟୀ ସବସିଡି ସିଧା ହିତାଧିକାରୀଙ୍କ ବ୍ୟାଙ୍କ ଆକାଉଣ୍ଟକୁ ଯିବ । ୨୦୨୮ ପର୍ଯ୍ୟନ୍ତ ପ୍ରସ୍ତାବିତ ଏହି ସ୍କିମକୁ ଅନ୍ତିମ ରୂପ ଦିଆଯିବ । ମନ୍ତ୍ରୀ ମଣ୍ଡଳରେ ଅନୁମୋଦନ ଆବଶ୍ୟକ ରହିଛି । ତେବେ ସହରାଞ୍ଚଳରେ ସ୍ବଳ୍ପ ଆୟ କରୁଥିବା ବ୍ୟକ୍ତି ବିଶେଷ ୨୫ ଲକ୍ଷ ଟଙ୍କାର ଋଣ ଆବେଦନକାରୀ ହିତାଧିକାରୀ ଉପକୃତ ହୋଇପାରିବେ । ସାଧିନତା ଦିବସରେ ପ୍ରଧାନମନ୍ତ୍ରୀ ନିଜର ଅଭିଭାଷଣରେ କହିଥିଲେ କି, ଆଗକୁ ଆମେ ଏକ ନୂଆ ଯୋଜନା ଆଣୁଛୁ ଯାହାକି ସହରରେ ରହିଥିବା ନିମ୍ନ ମଧ୍ୟବିତ ପରିବାରର ଲୋକେ ଉପକୃତ ହେବେ ।