ସାଙ୍ଗମାନଙ୍କ ସହ ବୁଲିବାକୁ ଯାଇଥିଲେ ଚାଲିଗଲା ପ୍ରାଣ
କଟକ: ସାଙ୍ଗମାନଙ୍କ ସହ ବୁଲିବାକୁ ଯାଇ ଚାଲିଗଲା ପ୍ରାଣ । ମହୁମାଛି ଆକ୍ରମଣରେ ଜଣେ ମୃତ, ତିନି ଆହତ । ଘଟଣା ଘଟିଛି କଟକ ଜିଲ୍ଲା ବାଙ୍କୀ ପାଥପୁର ଗାଁ ନିକଟରେ ଥିବା ପାଣ୍ଡବବଖରା ଗୁମ୍ଫାରେ । ତାଳଚେର ଅଞ୍ଚଳର ୪ଜଣ ସାଙ୍ଗ ଭୁବନେଶ୍ୱର ପଟିଆରୁ ବାଙ୍କୀ ବୁଲିବାକୁ ଯାଇଥିଲେ । ପାଣ୍ଡବବଖରା ପାହାଡ଼ ଉପରକୁ ଚଢ଼ିବା ସମୟରେ ହଠାତ ମହୁମାଛି ଆକ୍ରମଣ କରିଥିଲେ ।
ଆଗରେ ଯାଉଥିବା ଯୁବକ ଶୁଭେନ୍ଦୁ ସାହୁ ମହୁମାଛି ଆକ୍ରମଣରେ ଆହତ ହୋଇଥିବା ବେଳେ ସେ ତଳେ ପଡ଼ି ଯାଇଥିଲେ । ଅନ୍ୟମାନେ ଦୌଡ଼ି କିଛି ଦୂରକୁ ଚାଲି ଯାଇଥିଲେ । ସ୍ଥାନୀୟ ଲୋକ ଆସି ସଙ୍ଗେ ସଙ୍ଗେ ମେଡିକାଲରେ ଭର୍ତ୍ତି କରିଥିଲା । ମେଡିକାଲରେ ଚିକିତ୍ସାଧିନ ଅବସ୍ଥାରେ ଶୁଭେନ୍ଦୁଙ୍କୁ ମୃତ୍ୟୁ ହୋଇଛି । ଅନ୍ୟମାନଙ୍କ ଚିକିତ୍ସା ଜାରି ରହିଛି । ବାଙ୍କୀ ପୋଲିସ ପହଞ୍ଚି ଅନ୍ୟ ତିନି ସାଙ୍ଗଙ୍କୁ ପଚରାଉଚରା କରୁଛି ।
