ପୁରୀ ଟ୍ରେନ୍ ପୋଡି଼ ମାମଲାରେ ଦୋଷୀ ସାବ୍ୟସ୍ତ ହେଲେ ସୁଭାଷ ରାମଚନ୍ଦ୍ରନ୍; ୫ ବର୍ଷ ସଶ୍ରମ କାରାଦଣ୍ଡ…

ପୁରୀ: ପୁରୀ ରେଳ ଷ୍ଟେସନ ଟ୍ରେନ ପୋଡି ମାମଲାର ଶୁଣାଣି ହୋଇଛି | ମାମଲାର ମୁଖ୍ୟ ଅଭିଯୁକ୍ତ ସୁଭାଷ ରାମଚନ୍ଦ୍ରନଙ୍କୁ ପୁରୀ ସିଜେଏମ୍ କୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରିଛି । ତାଙ୍କୁ ୫ ବର୍ଷ ସଶ୍ରମ କାରାଦଣ୍ଡ ମିଳିଥିବା ବେଳେ ଅନେକ ଦଫା ଲାଗିଛି । ଗତ ନଭେମ୍ୱର ୧୨, ୨୦୧୫ ମସିହାରେ ପୁରୀ ରେଳଷ୍ଟେସନରେ ନନ୍ଦନ କାନନ ଏକ୍ସପ୍ରେସ, ତିରୁପତି ଏକ୍ସପ୍ରେସ ଏବଂ ପୁରୀ ଏକ୍ସପ୍ରେସ ରେ ଅଗ୍ନିକାଣ୍ଡ ଘଟାଇଥିବା ନେଇ ଅଭିଯୁକ୍ତ ରାମଚନ୍ଦ୍ରନଙ୍କୁ ସେତେବେଳେ ଜିଆରପି ପୋଲିସ ଗିରଫ କରିଥିଲା |

ପରବର୍ତ୍ତୀ ସମୟରେ ଏ ଘଟଣାର ତଦନ୍ତ ଆରମ୍ଭ ହୋଇଥିଲା | ଏହି ଘଟଣା ସେତେବେଳେ ପୁରୀ ସହରରେ ଚର୍ଚ୍ଚା ପାଲଟି ଥିବା ବେଳେ ୪୦ ଜଣ ସାକ୍ଷୀଙ୍କ ବୟାନ ଆଧାରରେ  ମୁଖ୍ୟ ଅଭିଯୁକ୍ତଙ୍କୁ ଆଜି କୋର୍ଟ ଦୋଷୀ ସାବ୍ୟସ୍ତ କରିଛନ୍ତି | ଭାରତୀୟ ଦଣ୍ଡବିଧି ଆଇନର ଧାରା ୪୩୫, ୧୪୭ ଓ  ୧୪୫, ୧୫୦, ୧୫୧, ୧୫୩ ରେଲୱେ ଆକ୍ଟ ଆଧାରରେ ତାଙ୍କୁ ଦଣ୍ଡ ବିଧାନ କରାଯାଇଛି |