ପଦହରାଇଲେ ଦାରିଙ୍ଗବାଡ଼ି ବ୍ଲକ୍ ଅଧ୍ୟକ୍ଷା

ଦାରିଙ୍ଗବାଡ଼ି: ପଦବୀ ହରାଇଲେ ଦାରିଙ୍ଗିବାଡ଼ି ବ୍ଲକ୍ ଅଧ୍ୟକ୍ଷା ସୁବେନ୍ତି ପ୍ରଧାନ । ୨୦୧୭ ମସିହା ପଞ୍ଚାୟତ ନିର୍ବାଚନରେ ପୂର୍ବତନ ଜି.ଉଦୟଗିରି ବିଧାୟକ ଜାକବ ପ୍ରଧାନଙ୍କ ଧର୍ମପତ୍ନୀ ସୁବେନ୍ତି ପ୍ରଧାନ ବିଜୟୀ ହୋଇ ଦାରିଙ୍ଗିବାଡ଼ି ବ୍ଲକ୍ ଅଧ୍ୟକ୍ଷା ହୋଇଥିଲେ । ହେଲେ ବିପକ୍ଷରେ ଲଢ଼ୁଥିବା ପ୍ରାର୍ଥୀ ରୁଦ୍ଦା ମଲ୍ଲିକ ଅଧ୍ୟକ୍ଷାଙ୍କ ବିରୋଧରେ ୨ରୁ ଅଧିକ ସନ୍ତାନ ଥାଇ କିଭଳି ଅଧ୍ୟକ୍ଷା ହେଲେ ସେନେଇ ଅଭିଯୋଗ କରିଥିଲେ । ଏନେଇ ଉଚ୍ଚ ନ୍ୟାୟାଳୟରେ ଚାଲିଥିଲା ମାମଲା । ମାନ୍ୟବର ହାଇକୋର୍ଟ ମାମଲାର ବିଚାରକରି ଅଧ୍ୟକ୍ଷା ସୁବେନ୍ତି ପ୍ରଧାନଙ୍କୁ ପଦଚ୍ୟୁତ କରିଛନ୍ତି ।