ଭୁବନେଶ୍ୱର: କରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟରେ ଅନେକ ପରୀକ୍ଷା ସହ ମାଟ୍ରିକ୍ ବୋର୍ଡ ପରୀକ୍ଷା ବାତିଲ ହୋଇଥିବା ବେଳେ ଯୁକ୍ତ ୨ ପରୀକ୍ଷାକୁ ବାତିଲ ପାଇଁ ଦାବି କରିଛନ୍ତି ଯୁକ୍ତ ୨ ଛାତ୍ରଛାତ୍ରୀ। ଯେଉଁଥିପାଇଁ ଧାରଣାକୁ ଓହ୍ଲାଇଛନ୍ତି ଯୁକ୍ତ ୨ ଛତ୍ରଛାତ୍ରୀ। ୪ ଦିନ ତଳେ ପରୀକ୍ଷା ବନ୍ଦ ଦାବିରେ ଧାରଣା ଦେଇଥିଲେ ଛାତ୍ରଛାତ୍ରୀ ।
ସୂଚନା ଅନୁଯାୟୀ, ଯୁକ୍ତ ୨ ପରୀକ୍ଷାକୁ ନେଇ ଏଯାବତ୍ ତାରିଖ ସ୍ଥିର ହୋଇପାରୁନି। ସେଥିପାଇଁ ଆଗକୁ ଉଚ୍ଚଶିକ୍ଷା ପାଇଁ ଛାତ୍ରଛାତ୍ରୀ ଅସୁବିଧା ସମ୍ମୁଖୀନ ହେବେ । ଏହାସହ ୧୦୦ ଦିନରେ ସମସ୍ତ କୋର୍ସ ପଢିହେବ ନାହିଁ ବୋଲି ଅଭିଯୋଗ କରିଛନ୍ତି ସେମାନେ। ତେଣୁ ପରୀକ୍ଷା ବାତିଲ କରାଯିବା ନେଇ ଦାବି ଜୋର ଧରିଛି।
ସେପଟେ ପିଲାଙ୍କ ଦାବିକୁ ସମର୍ଥନ ଜଣାଇଛି ନବନିର୍ମାଣ ଯୁବ ଛାତ୍ର ସଂଗଠନ। ସଂଗଠନର କର୍ମକର୍ତ୍ତା ମଧ୍ୟ ଏହି ପ୍ରତିବାଦରେ ସାମିଲ ହୋଇଛନ୍ତି । ଛାତ୍ରଛାତ୍ରୀଙ୍କ ଦାବି ଯଥାଶୀଘ୍ର ପୂରଣ କରିବାକୁ ସେମାନେ ଦାବି କରିଥିବା ନେଇ ସୂଚନା ମିଳିଛି।
