ନୂତନ ସ୍କୁଲ ନିର୍ମାଣ ଦାବିରେ ଗେଟ ଆଗରେ ଛାତ୍ରଛାତ୍ରୀ ଓ ଅଭିଭାବକଙ୍କ ଧାରଣା

ସ୍କୁଲ ଫାଟକରେ ପଡିଲା ତାଲା । ଗେଟ ଆଗରେ ଛାତ୍ରଛାତ୍ରୀ ଓ ଅଭିଭାବକଙ୍କ ଧାରଣା । ନୂତନ ବିଦ୍ୟାଳୟ ନିର୍ମାଣ ନହେବା ପର୍ଯ୍ୟନ୍ତ ଖୋଲିବ ନାହିଁ ସ୍କୁଲ । ଏମିତି ପ୍ରତିବାଦରେ ଧାରଣା ଦେଇଛନ୍ତି ବାସୁଦେବପୁର ବ୍ଲକର କିସ୍ମତ କୃଷ୍ଣପୁର ପଞ୍ଚାୟତର ବହୁମାଘେରୀ ସ୍କୁଲର ଅଭିଭାବକ ଓ ଛାତ୍ରଛାତ୍ରୀ। ଗତକାଲି ବିଦ୍ୟାଳୟରେ ସ୍କୁଲ ଛାତରୁ ପ୍ଲାଷ୍ଟର ଖସି ୩ ଜଣ ଗୁରୁତର ଆହତ ହୋଇ ମେଡିକାଲରେ ଭର୍ତ୍ତି ହୋଇଥିଲୋ। ଗ୍ରାମବାସୀଙ୍କ ପକ୍ଷରୁ BDO, BEO, ଓ ଜିଲ୍ଲାପାଳଙ୍କୁ ଦେଖାକରି ଅଭିଯୋଗ ପ୍ରକୋଷ୍ଠରେ ଅଭିଯୋଗ କରିଥିଲେ । ଗତକାଲି ଠାରୁ ଘଟଣା ଘଟିଥିଲେ ମଧ୍ଯ ଏପର୍ଯ୍ୟନ୍ତ କୌଣସି ପ୍ରଶାସନିକ ଅଧିକାରୀ ଘଟଣାସ୍ଥଳରେ ପହଞ୍ଚି ନାହାନ୍ତି । ଉତ୍ତୋକ୍ତ ଗ୍ରାମବାସୀ ଫାଟକ ଅଗରେ ସକାଳ ଠାରୁ ଧାରଣା ବସି ରହିଛନ୍ତି । ନୂଆ ଘର ତିଆରି ନହେବା ଧାରଣା ହଟିବ ନାହିଁ ବୋଲି କହିଛନ୍ତି ଅବିଭାବକ ।