ଉଚ୍ଚ ନ୍ୟାୟାଳୟର ଶୁଣାଣି : ସ୍କୁଲ ଫି’ରେ ମିଳିବ ରିହାତି, ୭ଟି ସ୍ଲାବରେ ରିହାତି ପାଇବେ ଛାତ୍ରଛାତ୍ରୀ

1 min read

ଭୁବନେଶ୍ୱର: କରୋନା ବେଳେ ସ୍କୁଲ ଫି ଛାଡ ପାଇଁ ହାଇକୋର୍ଟରେ ମାମଲା ଦାୟର ହୋଇଥିଲା ।  ଫି’ ଛାଡ଼ ପ୍ରସଙ୍ଗରେ ହାଇକୋର୍ଟରେ ଶୁଣାଣି ଶେଷ ହୋଇଛି । ଆଡଭୋକେଟ ଜେନେରାଲଙ୍କ ମାଧ୍ୟମରେ MOU ଦାଖଲ ମୁତାବକ ୭ଟି ସ୍ଲାବରେ ସ୍କୁଲ ଫି ଛାଡ଼ ନେଇ ସହମତି ପ୍ରକାଶ ପାଇଛି ।  ବାର୍ଷିକ ୬ହଜାର ଟଙ୍କା ପର୍ଯ୍ୟନ୍ତ ଫି’ରେ ରିହାତି ନାହିଁ ।

ସେହିପରି ୧ଲକ୍ଷରୁ ଅଧିକ ଟଙ୍କା ବାର୍ଷିକ ଫିରେ ୨୬ ପ୍ରତିଶତ ଛାଡ଼ ହେବ । ଏଥିସହ ରେସିଡେନ୍ସିଆଲ ସ୍କୁଲରେ ସର୍ବାଧିକ ୩୦% ପର୍ଯ୍ୟନ୍ତ ଛାଡ଼ ହୋଇପାରିବ ବୋଲି ହାଇକୋର୍ଟ ତାଙ୍କ ଶୁଣାଣିରେ ଜଣାଇଛନ୍ତି । ଶୁଣାଣି ବେଳେ ମାନ୍ୟବର ଉଚ୍ଚ ନ୍ୟାୟାଳୟ ନିର୍ଦେଶକୁ ପାଳନ କରି । ସମସ୍ତ ପକ୍ଷ ସେକ୍ରେଟାରୀ ସ୍କୁଲ ଆଣ୍ଡ ମାସ ଏଜୁକେସନଙ୍କ ଅଧ୍ୟକ୍ଷତାରେ ଗଠିତ କମିଟିରେ ପଦାର୍ପଣ କରି ତାଙ୍କର ପକ୍ଷ ରଖିଥିଲେ ଏବଂ ସମସ୍ତ ପକ୍ଷଙ୍କ ସହମତିରେ ଗୋଟେ M.O.U ସାଇନ କରାଯାଇଥିଲା ।

ରିପୋର୍ଟକୁ ମାନ୍ୟବର ହାଇକୋର୍ଟରେ ଦାଖଲ କରାଗଲା ଏବଂ ଅଭିଭାବକ ମହାସଂଘ ତରଫରୁ ଶ୍ରୀ ଭି ନରସିଂହ ଏବଂ ବିଭୁତି ଭୂଷଣ ଚୌଧୁରୀ ଯୁକ୍ତି ଉପସ୍ଥାପନ କରିଥିଲେ। ସରକାରଙ୍କ ପକ୍ଷରୁ ଆଡ଼ଭକେଟ ଜେନେରାଲ ପକ୍ଷ ରଖିଥିଲେ ।

 

 

କେତେ ଫି’ରେ କେତେ ଛାଡ ?

ବାର୍ଷିକ ସ୍କୁଲ ଦରମା ଯଦି ୬ ହଜାର ଟଙ୍କାରୁ କମ ହୋଇଥିବ ତେବେ କୌଣସି ରିହାତି ମିଳିବ ନାହିଁ

ବାର୍ଷିକ ଫି’ ୬ ହଜାର୧ରୁ  ୧୨ହଜାର୧ ହୋଇଥିଲେ ୭.୫ ପ୍ରତିଶତ ଛାଡ ମିଳିବ

୧୨ହଜାର ୧ରୁ ୨୪ ହଜାର ହୋଇଥିଲେ ୧୨ ପ୍ରତିଶତ ରିହାତି

୨୪ ହଜାର ୧ଟଙ୍କାରୁ ୪୮ ହଜାର ହୋଇଥିଲେ ୧୫ ପ୍ରତିଶତ ରିହାତି

୪୮ ହଜାର ୧ରୁ ୭୨ ହଜାର ହୋଇଥିଲେ ୨୦ ପ୍ରତିଶତ

୭୨ ହଜାର ୧ରୁ ୧ ଲକ୍ଷ ହୋଇଥିଲେ ୨୫ ପ୍ରତିଶତ ରିହାତି

ଏକ ଲକ୍ଷରୁ ଅଧିକ ସ୍କୁଲ ଫି’ ହୋଇଥିଲେ ୨୬ ପ୍ରତିଶତ ରିହାତି ମିଳିବ

ହଷ୍ଟେଲ ଫି’ରେ ୫୦ ପ୍ରତିଶତ ରିହାତି

Leave a Reply