ରି-ଆଡମିଶନ ଫି’ ହ୍ରାସ ଦାବିରେ ଆନ୍ଦୋଳନ
ବାରିପଦା: ଉତ୍ତର ଓଡିଶା ବିଶ୍ୱବିଦ୍ୟାଳୟରେ ରିଆଡ଼ମିଶନ ଫି’ ହ୍ରାସ ଦାବିରେ ଆନ୍ଦୋଳନ । ବିଶ୍ୱବିଦ୍ୟାଳୟର ମୁଖ୍ୟ ଫାଟକକୁ ତାଲା ପକାଇ କର୍ତ୍ତୃପକ୍ଷଙ୍କ ବିରୋଧରେ ନାରା ଦେଉଛନ୍ତି ଛାତ୍ରଛାତ୍ରୀ । କରୋନା ମହାମାରୀ ସମୟରେ ଲୋକମାନଙ୍କର ଆର୍ଥିକ ସ୍ଥିତି ବିଗିଡି ଯାଇଛି । ଏହା ସହ ଶିକ୍ଷାବ୍ୟବସ୍ଥା ମଧ୍ୟ ସମ୍ପୂର୍ଣ ରୂପେ ବିପର୍ଯ୍ୟସ୍ତ ହୋଇପଡିଛି ।
ତେବେ ଦୀର୍ଘ ୭ ମାସରୁ ଉର୍ଦ୍ଧ୍ୱ ସମୟରେ ବିଶ୍ୱବିଦ୍ୟାଳୟରେ ପାଠ ପଢା ଚାଲିନଥିବା ବେଳେ ରିଆଡ଼ମିଶନ ଫି କିଭଳି ବୃଦ୍ଧି କରାଯାଇ ଛାତ୍ରଛାତ୍ରୀଙ୍କ ଠାରୁ ଶୋଷଣ କରାଯାଉଥିବା ଅଭିଯୋଗ ହୋଇଛି । ଏହାସହ ମହାମାରୀ ବେଳେ ରାଜ୍ୟ ବାହାରୁ ଶତାଧିକ ଛାତ୍ରଛାତ୍ରୀ ଅଳ୍ପସମୟରେ ବିଶ୍ୱବିଦ୍ୟାଳୟରେ ଆସି କିଭଳି ଫି ଦାଖଲ କରିବେ ତାହା ମଧ୍ୟ ପ୍ରଶ୍ନ କରିଛନ୍ତି ।
ବାରମ୍ବାର ବିଶ୍ୱବିଦ୍ୟାଳୟ କର୍ତ୍ତୃପକ୍ଷଙ୍କୁ ଏନେଇ ଅବଗତ କରାଯାଇଥିଲେ ମଧ୍ୟ କେହି ଶୁଣିବାକୁ ନାରାଜ ବୋଲି ଅଭିଯୋଗ ହୋଇଛି । ସେପଟେ କର୍ତ୍ତୃପକ୍ଷଙ୍କ ସୂଚନା ଅନୁସାରେ ମହାମାରୀ ସମୟରେ ପୂର୍ବରୁ କୌଣସି ସୂଚନା ନଦେଇ ଛାତ୍ରଛାତ୍ରୀ ଆନ୍ଦୋଳନ କରିଛନ୍ତି । ୯୮% ଛାତ୍ରଛାତ୍ରୀ ମାନେ ରିଆଡ଼ମିଶନ ଫି ଦାଖଲ କରିସାରିଥିବା ବେଳେ, ଶେଷ ୧୦ ତାରିଖକୁ ଅକ୍ଟୋବର ୧୪ ତାରିଖ ପର୍ଯ୍ୟନ୍ତ ଘୁଞ୍ଚାଇ ଥିବା କହିଛନ୍ତି ।
